ZogamOnline

Young Paite Association, North Delhi Unit in zan, 13th November, 2008 in Pa V Nangthanlian Quater campus a Tent House kizak ziziai nuai ah Meet -cum election nuamtak leh lohching tak in zoh in omta hi.
 
  Pa Chhawnzamuan, Vice President YPA North Delhi Unit, in siamtak a conduct na nuai ah programme paiziahziah hi. Pu K.Ginkhanthang , President ,YPA Joint Hqtrs in Meet honna a neih zoh in Val Upa Pu Kamkhenthang Guite in a thugenna hun ah political science apoimoh dan siamtak leh research hoihtak bawl a thumanpha hon gen tuh mipi dai sisip in kamka hiuheu kawm in ki ngai mai dan ahi. A thugen a bukim zaw a gelh/suahkhiat a hong om ngei i lamen ngal hi.

Val Upa leh hi intekpa Pa V.Nangthanlian in a thugenna hun ah Pa T Lalkhanhau pesawn a Pa Hauno in thil bangkim a i lohchinna ding leh i gam leh nam i din suah na ding a bangdang teng sang a Pathian mah poimoh pen ahih dan hon gen hi.
 
  Election Commisioner te Pu ELTy Ngaihte leh Pu T Thanghnun sai na in YPA North DElhi Unit 2008-2010 sung vaipo di telna siamtak leh feltak in hon sai uhi.Hiai anuai a te post chih a candidate dang nih leh thum sang a vote tam muzaw ahih ziak un telching a puan ahi uhi.
 
President: T Khamkhansuan
Secretary: K Biakkhanmang Guite
Finance Secretary: Dr Ngaihlun
Treasurer:K Kamkhoching
 
Amaute a vek ua a taksa mahmah ua meet a hong tel ahih ziak un oath taking na neih ahih zoh in Pa T Ngullam in Pathian kiang ah thumsakna nei hi.
 
Hiai hun ah a vangkim in lasa siam tuamtuam te- Chingngaihlun, Mung, Sangluai Ngaihte, DU campus zomi lapwl, Minto road lapawl leh Gole Market male voice te apat in zai oihna ngaihkhiat ahi.
 
Kipolh limna hun leh expempore speech hun ah Pa KK Shyam, DANICS bang in a la deih pen "Vang ngaih nou toh khawl khawm lou a simlei gua bang hin ding zaw"ho genkhe geih mai dan ahi.
 
Pa T Ngullam, Pu ELTY Ngaihte &PU K.Ginkhanthang te apat thugen ngaih khiat ahih zoh Pu PC Guite in meet thumna in khak hi.
 
Hiai zohin hong paikhawm mipi a neu a lian(Thangmuansiam khuptong kha 2 leh a kim a upa apat Pa T Ngullam, kum 80 a upa ) in tuanvai te'n buh leh meh limtak hon huante uh kine khawm zua zua hi.

[ssppnet a pu thangzalun post apan laksawn ahi] 

< Prev		Next >