ZogamOnline

 ~ By: David Naulak

A IT mahmah Chingno toh kihou limlai tangval Suanpu mobile balance hong beimai zaw Suanpu  in poi asa petmah  hi. Chingno toh hoihtak a kihou lai sutzop tum in .dawr ah mobile top up nuam in diangkhia a,himahleh zinglam dak 1 bang hita ahihman in dawr kihong khatleng a muzou kei hi Suanpu  in a it mahmah Chingno mangpha beek khakthei lou in zalna laikhun tung ah kual maita hi.

Lia Hoihnu in a sanggampa a ding sum khak nuam in SBI ah va hoh hi. Mi ana tamlua uh ahihman in va ngak ngilngel mai hi. Lia Hoihnu in a laisim di tamdan bang ngaihsun a, Bank a amah a sapding uh ngak ngetngut pen hun pammaih a sa mahmah a, lah ngak louhtheih a hikei: Ahangbel a sanggam pa in sum poimoh tenten hiven.

Zoson a damlouh in sum . poimoh hi. A nulepate’n sum batdi zong in inn lam apan hon khak nuam uhi. Himahleh Lamka a SBI bank a pan hon khak a sawm uhleh Bank a mi tamlaw mahmah ahihman in mimal sum kikhakna te ah a khakman om in hon khak uhi. Mi sum ba a, a khakman bang kisen ngaizaw mahlai ..

Sanpu in call center ah sem in sun ciang in ihmu zel hi. A sanggamnu nurse zil in Karnataka ah om in a Union bank account nei a, huai ah sum khak ding in ngen hi.  Sanpu in sun a ihmut hun a sum khak ding a Union bank a va hoh ding a lin petmah a,inn a pat hihtheih dan omle zaw a chi ngutngut hi,.....

Nungak Liansen in Delhi govt  nuai ah nurse sem in om hi. A electric bill te amah  piak ngai ahihman in  a fee sunna mun a innkiang ua omlouh man in buaihuai sa sek mahmah hi.Mi va sawltheih di omleh a deih mahmah a, himahleh huchi bang a zatding kuamah anei  kei hi.

Thangpu in DEMAT  account nei hi. Market hong hoih chiang a net ah et a utthei mahmah hi, Himahleh inn ah net aneikei a, cyber cafe khawng a va tutzual chihte lah a utdan hikhollou hi. Ban ah bank cheque le deih mahmah , office suty hial a  bank a vahoh ding lah a utbok kei hi.

Siami sum a lawmte in abat a bank account a dinkik ahihdan theisak uhi. Siami in a lut taktak na hia chihthei chian nuam a, bank a va kan hial na dinglah hun a neikei a, ATM lah a innkiang uh a om sikei hi.

Hiai atung a problem te beisak theihdan omdiam? Om tham e zenzen..

SBI in mobile banking technology pankhia in SBIFreedoM chi hi. Hiai facility zang nang mah mobile apan sum na thonkhe thei hi. NIkhat in Rs 5000 tan charge omlou in na thon thei hi. Bill payment leng nikhat in Rs 10000 tan na bawl thei dia,mobile leng na ut hunhun in na top up thei ding hi. Na balance enquiry le na bawlthei ding a, na DEMAT account leng na check thei gige ding hi. Bank cheque book leng na request theiding hi. A omzia bel sum khak ding a bank a hoh ngainawn lou chihdan ahi. Na khut a na tawi na mobile pen bank suak chiphot leng maw..

Bang mobile set neihngai?

Na mobile  JAVA enabled ahihding. Huchi lou in GPRS mobile or WAP function a om ngai ding hi. Samsung handset tamzaw ah bel zattheih louh ding hi.

Bangchi register ding?

Na mobile apan MBSREG   (MOBILE SET) (MOBILE SET NO)  chihtype in 567676 ah message khak le chin  User ID Leh MPIN no na ngah ding hi.
Etsakna ding in Nokia N90 series zang na hihleh MBSREG NOKIA N90 CHIH 567676 a khakziau di himai hi.
UserID leh MPIN na ngahzoh chiang in application software SBIFREEDOM kichi  Bluetooth hiam, datacablle  hiam in na mobile ah na download ding hi. Tua zoh in na MPIN no (six digit numeric) na kheng ding hi
Tuazoh ciang in State Bank ATM ah na vapai dia, na mobile register na bawl ding hi. PRESS  SERVICES THEN REGISTER

Kuaten zangthei ding?
State Bank account holder ATM Debit card neite kia chauh hiai facility free in enjoy theiding uhi.

Phone tapping chihbang om hia, mobile zang a money transfer safe hiam?
Safe zenzen e, 128 AES(Advanced Encryption Standard) zang a encryption kibawl ahi

Ka mobile hihmang kha leng  min transaction bawlthei di uam?

Mobile a transaction hihna ding in MPIN ngai hi, hiai MPIN number pen digit 6 na lungsim na byheart pen a theihkei nak uhleh zangtheilou ding uhi. Thumvei MPIN diklou a kithun leh na mobile banking ki block ding ahi. Ban ah ATM ah na register sa pan na va deregister pahthei hi.

Hiai technology hoih mahmah lah zat nuammah zangthei chiat le hang Suanpu buaina veng dia,Hoihnu bank a hohngai lou in laisim thei dia,Sanpu in sun in ihmu liahliah dia,Zoson nulepa puakgik zang deuhdia,Liansen lungnuam tak a omdia,Thangpu in a demat account enthei gige dia, Siami in a bank account a sum bangzah omhiam chih a lupna tungpan enthei gige ding hi.

(product advt dan ka honsuah hilou ahi, i phattuam pih theih ding uh thil hi a ka muhman in ka hon suah ahi. Theihbeh nuamte'n www.sbi.co.in ah detail in ettheih ding hi)

Comments (7)

Write comment

You must be logged in to post a comment. Please register if you do not have an account yet.

< Prev		Next >