Metal Heads Of Lamka, Unite
Rock fans’ day out: ki phatpina Phase I
~By: Kush Zomi, Zoland Republic
Martyr Friedman, (Megadeth Guitarist) in a project thupi mahmah Full Metal Music ‘Death Panda’ Kici a record na ah Japanese nungakno (tennage) 48 tak Metal la sa sak vitvit hi voo…A music comment apiak lungsim khoih mahmah : “This can never happen in America” ci viuveu mawk hi .. “Every single culture has something really cool to offer” cih behlap lai hi. 21st Century ‘Asian Century/Asian Age’ a cihcih uh Rock music nangawn ah hong tangtung hi ta mai lo hiam!! Asia cih niing-niang Lamka mahmah hi thupi ka sak!. Zomi te laisiamna lam bek a khangto i ki saksak leh Rock music/ Metal World ah ana thupi lua khin ki hi mawk! Ei le ei ki thupi muhdan i siam nai kei bek a hi. Agenkhiat, a gelh khiatna (Medium of expression) News, TV Music Channel, Music magazines ect. i neih loh man in i Rock/Metal Musician te’ thupitna i thei tam kei maimai a hi ven..Athudik tatak i theihtheih leh ei’ ate zong leitung tuan ciil zo lua mahmah ding ngen na hi mawk uh hi!! Kashmir to Kanniya kumari, Arunachal Pradesh to Gujarat, India gam pumpi nangawn a ding a suanhuai leh i ki sak theih pih petmah uh , Zominam hong tawisang-- Siambawi, Machiiz,Minthang, Lalte, Thang Khup, Sonmuan Valte(Steve Kid), Rtv, Fred Tunglut, Rig Song leh a dang tampi i Rock musician te’ thupitna ka muh suahsuah ciang in lamdang sa, thupi sa lua in ‘Zomi a nong pian khak zenzen uh nak nopna maizen e!’ va cihcih ut huai kasa mai hi. Khat veivei lah ka ngaihsut kik kik ciang in vangsia uh kasa zel hi. Metal Music a ki ngaihnat phadiakna mun Scandinavia gamte Norway, Denmark, Finland, Sweden .. Northern Europe, Germany leh America khawng ah ana piangkha hi maizen le uh..Mi bang zah in pasian biak in a be phial uh tam?? Leitung a music tum siam pen te ki pahtawina mun Rock n Roll Hall of fame, Lake fire( Downtown Cleveland,Ohio United States) ah bang zah hiam bel amin uh ki gelh zihzeh mai ta di hi’n maw..Tun lah i Zogam Tunnu i Lamka Vangkhua ah Vokpi mai a kham(gold) ki pai bang lel in kuaman a thupitna uh leh ngaihsang huai ahih dan uh phawk dek neng lo in “ A bil ap huai nuanua a lasa/music tumte” i ci nihneh lel uh hi.(Maimah!)
Why Kiphat pi na?: Mikang te’ Paunak hoih mahmah khat ah “Fake it till u make it” cih na om hi. A tatak hi pah kei leng zong a hoihlam ngen ki gengen phot, ki phatphat phot mawk leng khat vei ciang in tua ‘level’ ki tung to mawk didan hi veh oo..English ten hi bang Paunak ana neih sese uh zong a khosuah na khat uh ai mai diam? “Proverb describes a nation” cih zong na om hi ven maw. Hih article tupna/ngiimna ahih leh ‘A uang theithei a ei leh ei ki phat ekek ding’ cih ahi hi. Ki phat, i hoihna lam ki gen cih khawng ciil bawl lua hang a, ciamnuih naa vilvel, meinei deuh mai a ki cih henghang khawng kisiam thei lua mawk ahih man in a khosuak ding tampi ki haplum kha nak hi. Atung a i gen i musician te vangsia i cih dan mah in a mipi te Music ngaina (Hardcore Rock fans, Metal Head Bangers) te mahmah zong leitung a khangkhat nungta ciatciat ding in vangsia lua sawnsawn hi hang! Mi’n agam aleitang uah, a hunhun a Rock concert/ Metal ‘gig’ nei gige thei uh..Lamka ah kumkhat in 5 vei a om zo diam? Mi’ concert neih teng eng in i daak heehaw geuh mai uh hi. Banghang in music ah ki hici tuantual mawk hiam? I gensa bang in Human resource(Music skill, talent) cih lam zaw nei ve hang aw..Area dang teng hi ve hang aki sam:
(1) Press/ Media: Concert bang ki nei zeuhzeuh, a zing ciang khong in i Manipur Express leh Lamka Post te ah ‘Gig cover’ (News item ah hi lo in) hong ki suah kha hiam ci’n ana bil dawh-dawh ta leng, khat vei mahmah zong hong ki suah lo!(Kei’ mit hoih loh man a kana sim khak loh ahih leh bel..ngaihsiam) English Rock Band te’ minthan’na kei mimawl ngaihsut dan in a siamna uh leh a performance uh pen 50 percent, a dang 50 percent ahih leh media te’ pahtawi zawh luat man hi, a ci nuam phial ka hi hi. Gentehna in Red Hot Chilli Peppers ten ‘Slain castle’ ah concert bang nei hi ta le uh, a hun mahmah (Live telecast)leh a zing ciang, thai ciang, kha khat sung phialphial mahmah VH1, Mtv, 20-20, Rolling stone Magazine, Rock Street Journal, Revolver Magazine cih te ah a concert tatak sang a thupi zaw leh lunglut huai zaw phialphial in hong ‘cover’ khial ngei lo uh hi.. Band ana upa deuh ta tulai a thang zo nawn tatak lo te bang ‘Classic Rock’ ci in hong pholh suah lailai tazen uh hi. Neil Young in “ Rock n Roll will never die” a cih khawng a mawk saksak i sak leh hong dik phial mawk leh kilawm maw..
(2) False Notion: “Music kici laisiam lo te a ding hi” cih ngaihsutna diklo (false Notion) i neih khak uh zong poi mahmah hi. India gam a lai pilna kidemna, institution sangpen/ thupi penpen ahi Engeneering college, IIT te ah Metal/Rock concert neih ding pen a lo thei lo a angaihsut uh hi mawk hi. Student te zong Vai changkang petmah te hi taangpi uh ahih man in Rock Guitarist/Musician cih khawng tam mahmah uh hi. Lamka a class 12 zoh ciangin vaigam i ki den’na sauhsauh ua, Vaigam a college hoih penpen ten ‘Campus Rock’ ci in ana durr vitvit gige zel uh hi voo..Mi a changkang deuhdeuh a, lai asiam deuhdeuh uh leh Rock music ngaina deuhdeuh uh hi veh.. ‘Mi’ tung ah leeng in i khan i gual baan ni’ i cih leh “Lets learn to Rock!!
(3) Concert neih ciang a kiphasak buaina bawlte: Athu zong gelh peih nawn khang..ei leh ei ana ki ze phawk zaw mai ni…Na buaina bawl teng tawh ‘Zonamkhandal’ na hi cih ki thei in.
Ki phatpina keep rollin’: Kiphat na loh di in gen ta maimai leng, 1980’s lai pawl in i Lamka mi mahmah i sanggamte(i ute) North-Eeast Beat contest ah first ana la tep bang om lua tham uh hi’n maw..Tu khawng hi leh zaw, World cup lop in ki lop pih duup-duup mai leh!(A la kha ngei dandan a..lolzz). Athei ten a gen uh ciang in a singer pa mahmah uh zong Smokie te’ singer pa bang mai ahi’ ci dan uh hi voo..(Smokie te than’ saan lai bel hi peuhmah in cin)..Tua hun lai a Lamka a ‘Band’ om te zong a music skill ban uah,a ki cheina u leh a meel te mahmah uh zong ‘Rock meel’ thei, ana awm thei petmah uh hi didan hi. “Chiampel lou” film a atangvalpa’ room a TWISTED SISTERS te lim ki taak niknek te khawng in hua hun lai a Lamka huihnung tampi genkha hi lo hia, hehe!..80’s lai a Rock Momentum khawng ana pai pih suak zo hi maizen leng tu hun a, “Shillong, Music capital of India” a cih dekdak khawng uh ei’ a di hi veen maw,.. a poi vawt akhu. Ngaihtuah ve Scorpions, Fire House, Petra, LA Guns, Sepultura, Mr Big cih te khawng in Lamka field ah concert hong bawl di uh cih mawk!! A hi thei dektak thu eive..i khut sung a pan a taal khia, Khasi te’ gam a luanglut! Sakthuii!! Kua i ngoh ta dia.. “Blame it all on DRUGS” “Nang khamtheih/guihtheih, a hun lo pi a ka music siam teng, ka lasak siam teng uh gahsuang man lo, khangthak te lamlak man lo zen a sihna haanmual a hong kaih lutsak, mi dang te pha zo nawn lo ding a music khang kibansam a hong koih..hmm,.na guu ka thuak uh nuam mahmah ei..Lungkimta in la, Zogam hong paisan ta in”
Tulai a i musician te ka pahtak mahmah na khat ahih leh Drugs khoih lo siangtho tak a om vilvel tam mahmah hi. Nu leh paten ‘‘music i cih laisim peih lo te’ a ding hi’’ hong cih sak khawng uh zuau thu suak sak hit het in, lai siam pha mahmah zong ki tam veve hi. I ki saktheih pih mahmah “Bass god of Lamka” Thang Khup bang, IIPM Bangalore apan Master of Business Administration (MBA) zo hi hit-het mawk! (Chin Herald interview sim nuam ten www.Vaphualblogspot.com/ www.thechinherald.com 27 March 2011 ah aw..) Rig Vedazz Guitarist Sir Mangzalian in Rayburn college ah lecturer a sep kawm in Centre service mu in tun Aizawl ah Posting in om hiuhiau hi! World class thou ta hi louuu... “Huhuuii, nuam panpan eih! C’mon Zomi on the Rock, Lamka on the Roll” a dang zong om lai..A guh lang zenzen in kheuh suk aw le…
SIAMBAWI: A mintak ‘Thangthiansiam’. Thum kum lai pekpek in, van a aaksi neelkai ana la zo i pi Lengtonghoih’ sanggamte, i pu Thangho Liando, i pu Gaal Ngam cih ten leitung hong ki peipei ding a, khat vei ciang in i suan i khak, i tuu i ta ten leitung tawh ki zaakim in music tum siam hong piang khia ding hi” cih bang muh kholhna ana nei duam?? Nei in nei ta kei le uh tu in a tangtung hi mawk hi!. Tu ma zek a leitung a Heavy Metal Band thupi penpen a ki ngaihsun Metallica te’ concert neihna mun Bangalore khopi bang, ei’ ate ‘Zonam’ Band ten, tuma kum bangzah lai hiam a ana tuat ciil diipdep sa uh hi lel dan ai. Bangalore news paper te ah a lim uh leh a thute uh ki suah khe zihziah lel hi! India gam a concert thupi penpen te leh Independence Rock( India in Independence a ngah lopna a Concert ki bawl) na nangawn ah perform ding in cial in om uh a, Zomi te’ thupitna va pholhkhe vitvit mai dan uh hi! Hih Zonam band a Lead Guitarist Siambawi ahi. (Zonam Band lineup: Vocals; Fred Tunglut(“Zonamkhandal and the Intrusion of Heavy Metal in Lamka” ah athu a kim zaw in..) Guitarist: Siambawi, Guitarist: Thanlian, Bass: Khup Sukte(Thang Khup), Drums: Sonmuan Valte(Steve kid)
Back to history: Class V lai hi voo..dak hong ging vengveng, ‘short break’ lawmte zun tha a ki khoh khe vengvung, Ka instrument box a pan scale(ruler) la khia in Diagram khat ngentel deuhmai in ka gelh ngiatngiat hi. Ka nung ah khat in a khut a scale khat mah tawi in a desk sat puak bakbak, Drum tum ki neih in gawl puak zen in la sa ang-ang hi. A scale khat bek hawmthawh in kei a ka zat loh kal in ana la,. a lasak lah phur dedeuh, a desk tum ging lah ngaih dedeuh…trringg,,.dak ging, back to class..Blank paper a Line khat giit ding a ka scale ka zat sawm leh, katarasai maizen!! A scale mai/ha(edge) teng, uang gen leng sing-at na ha bang phial a ana hem gai! Gawp ngiingei!..nak heh lua..hih didan tuan om lo , dai mai…Siambawi pen tua hun pek apan alungsim ah music cii na ki tuhtuh ta ana hi phiangsan ding dan hi!
A kum kik class VI ki hi ta, kumtawp farewell programme om hi voo..Programme paipai..a lailak munkhat ah Now, special no. from thangthiansiam class VI, hong ki ci ta maizen!.Amah pai to lengleng, guitar khat man, la hong sa ta..! A classmate te a ki ngaihsun thei liai teng ki zum lua mahmah( tua hun lai in akua akua, tulai khangthak te dan a ki sah teuh lo hin’ mw..), dak khe ngam nawn lo a, ana kuun cip den pawl tawh, ana zum lua a lawmte ana sik chenchen pawl tawh, ei’ aa pa’ cih bawl in a classmate teng ana buai se lua hi mai! Ken bel en ngam sam! Limtak a ka et leh ‘Obedience is the very best way’ cih la a bul a pat a tawp tan a key kheng vet lo ‘D Key’ a sa suak herher hi voo!!( en zaw D,A,G Major chord 3 bang ana ki thei ta sam hi a haha)..Thupi himhim! Hih hun lai ka khonung ngaihsut kik ciang in lesson tampi tak ka sin khia kik hi. “Fortune favours the brave’’ cih khawng! Ataangpi in English ten a neutung ua pan a tempai na line uh musuah pah in naupang cik ahih ua pan a line uh ana bawh pah ting-teng mai uh hi. Siambawi in hih bang ‘System’ mankha kasa hi.
Class VI khit ciang in siambang sin’na, heina kawlmual hong dangta ahih man in a thu ka tam zak nawn kei hi. Four years later : Lawmte khat in, tuni ka school programme uah Siambawi ten ‘You are my religion’(Fire house) hong perform uh, siam petmah uh e’ hong ci mawk hi. Lamdang sa lua himai! (English la tumthei te khawng ki ngaisang mahmah hi ven). A bang cik kal a hih teng hong tum thei man la?? ‘short cut method’ a hilh om hinteh ka ci zezen hi. Lawmpa bel, ‘‘Mercury on the rise’’ hi maita!... Class X ki pass laihlaih ta, Rayburn ah ki mu khawm nawn laihlaih. Freshers meet hun hong tungta. New Lamka YPA Hall( a lui pen ahih lai) ah thupi deuh mai in programme ki zang.. Tu zet in chuu..Class VI lai a ‘Obedience is..” cih lai tawh a ki khe ta khop mai.. ‘Medicine square’ Band ah Lead guitar tum in ‘Eagles’ te sakmin lawibang than’ khiatna leh Rock History a guitar solo nalh penpen “Hotel California” lead solo hong zut taktak chuu..mipi ki khawm teng, kidok giit geet, bil palh silsel zezen in, mit phe lo hial, kam ka zen in stage tunglam ki en hiuheu vek lel hi. Anunglam (ka kianglak) a aki phasak deuh, anuamsa hunchet, ki ko lialia thei pawl khat in “ Va check dih uh,.camera trick hi’n teh ..Eh! lah hong pha zou dek vial a” ana ci niania uh hi. Ken bel a music ki patna bul(intro) a guitar picking teng hong tum theih mawk zong thupi ana sa lua khin!.. Intro nalh deuh a hong kui heuhheuh…Suanmoi in a aw heu thiau-thiau( gravel voice) tawh “On a dark desert highway..”cih hong pan ta maizen chuu,,..a hunlai a mipi om te leh a Band te mahmah in zong phawk kei phial ta mah le uh Zomite’ Rock History a ding in ‘turning point’ taktak hong suak mawk hi…Khangno tampi te’ lungsim sukha in music tum nopna lungsim guan(infuse) pah ziahziah mawk hiven. Hih hun chet a bel...Inn a pai vengveng a guitar tum vitvit mai bang ki ut dan hi’n…‘But you can never leave’ cih tawh a la hong bei chet, a mu kha liai siah in a ngaihsang na uh bei thei nawn lo ding in Siambawi in lead solo hong panta..Atung lam in a la leh music accompaniment hong tum theih uh zong ei’ lak tan a ding in thupi lua, a solo zaw tum thei nawn mahmah ngal ken teh, ka cih leh ka ngaihsutna a dik sawt kei!. A guitar note dik chet chet, siang tak leh smooth tak a hong tum keh vengveng ta mai zaw..mipi teng lungdam a awng ziahziah ..amah guitarist pa lah ‘leitung ah kei bek a nungta hi’ng’ ci bang phial khop a a fretboard a full concentrate in a durr durr in ki-durr vitvit zel. Joe Walsh(Eagles guitarist) tum tawh aki lamdanna them khat zong om kei e, ka ci maita hi.. Axl Rose in “Nothin’ last forever in a cold November rain” ana cih dan deuh in thupi lua, nalh lua mahleh a bei hun in hong phata..mipi teng kuamah sawl loh pi in, lamdang sak luat man in ha dawk lii-lee in ki nui sii-se lel hi. Siambawi a ding in zong i Lamka zaang a mi’n hong theih khiat na uh leh a minthan’na/mi honpi’ pahtaak a lawhna masapen (First major breakthrough)hi ding in ka um mawh hi. (a dik diam ah? A biography hong gelh ana ngak mai ni mw..)
Khatvei lawmte khat in ‘ken chu music a nek zong d, scorpion te’ la bangzah hiam zong a master key a ka sak zawh hita..tun guitar siam khe phot d” ong ci thrauh thrauh hi voo..Ka nih ua ki thukim in Siambawi kiang ah va pai.. A bulpatna a guitar chord 5 hong tum sak, Chord khat haksa law mahmah, lawmpa music a nek zon sawmpa lungkia, ki zawn zo nawn lo!. A zing ciah kei bek kava kuan leh ana om lo, a nu kiang ah “Nu Ching, Siambawi la?” ka cih leh “Go Hau in Phai lam ah po keh suk ei” hong na cih san! Heh lah suak sim, lehlam ah lah level sangpi ana tung to ta, lungdam pih lua, ngaisang dedeuh..Amau inn kiim lak a lawmte music lunglut khenkhat te kiang ah ‘Siambawi ong hi ci siam khiatna a thuguuk khat om di h veh oo’ ka ci kankan zel hi. Hong dawn na uh thupi kasa hi “a kuhkal lua, a lawh khe zo lua a hi” hong ci uh hi. “Skul kai tawp( 3pm approx), guitar manpah, annek sung khawng cih loh zan dak 12 tan khawng tum peih den..a inn kong uah pai kha leng vuuu..vuu..(Guitar scale tai ging) ki za zo den” ci uh hi.(Hisap sak mawkmawk leng dakkal 8 sung bang guitar tum den taangpi leh kilawm mw..)
India lam pekpek a college kai lai khatvei lawmte khat innlam pai hong tung, CD thak khat hong pua hi voo..Rabbi, ZONAMKHANKHUAL VOL II ana ki ci hi. A fuh di theihsa, kin deuh a player a guanglut, ka ngaih leh Metallica te kasa zezen hi. Thupi lua hi mai! Zomi te khangthu a full Metal Album ki bawl masa pen ahi hi. (Rock Historian ten ana ciamteh un.)Siambawi guitar tum siam mah, lead solo leh rock scale tampi thei mah, ahih hang in amah original a hong piangkhia guitar riff , solo leh Rhythm te hi zah a hong thupit sawnsawn! Memphis khawng, Sacramento(California) khawng a khangkhia hi leh zaw a hi di mah hi, ci zezen ni!...3rd world country( India,Manipur hi sawnswn lai) a khangkhia ding in bel..lamdang cihloh gen gen ding tam nawn vak lo hi. Nidang in ki thupi zo nailo ahih man in Lushei te peuh i va ngaihsang kul mai hi. Zonamkhankhual hong suah khiat tawh kiton in bel “Revolution! Dawn of a new era!”,.Ei’ ate kan a thupi koi ah om nawn tuan a..Nak nop hi venn,!!..Guitar ,Bass, Drum leh Vox..all round hit hi mai! Lawmte Metal Heads bangzah hiam om teng tawh ana angtanpih petmah in ki sing niahniah in kana ngai-ngai mai uh hi..Nepali,Bengali lawm music lunglut te kiang ah “Ko mite eive”ci in kisaktheih pih petmah in ka ngaisak pah uh hi..Ngaihsang leh thupi muh mahmah na in hong nei pah uh..Lawk thou!( Zonamkhankhual Album tuni tan release khiat loh, ‘pirate’ a kana ngaihkhak ahih man in a Band te’ ngaihdan lo ahih khak leh… ngaihsiam)
Siambawi bel a mel thei lo te nangawn in zong hong ngaisang petmah ta uh hi. Hunte hong pai zel in Class X first a pass( St. Paul’s), XII Sc.(Rayburn) ah a pass banah graduation Bangalore ah va sim in ‘Economics Honours’ ah graduate hi. Music tawh kisai ah eimi te’ ading a i koih ngei loh, i mang a zong i mat phak ngei loh India gam a ding a concert thupi penpen te ah va perform ziahziah lel tamai hi. Nung zek a Delhi ka hoh in ,Kumteng a India Rock Band minthang te kidemna(a ut teng tel theih hi mawk lo, a sai ten band hoih/siam a sak teng bek uh a sap khawm na uh) “Great Indian Rock” a ding in ama’ telna, Delhi based a om Trini D Band(ei’ a ten gen mah,) in invitation mu, cih khawng kava za hiauhiau a, a accept u hiam cih bel ka za kha nawn kei hi.
Machiiz: A mintak Mangchinlian. St Pauls’ Institute of Music(SPIM) ah Sia Thangpi Instructor na nuai ah music ki sin laihlaih hi ven,.Zingsang khat “left hand exercise” ‘scale’ khat kana tum niapniap leh mi thak khat hong lut, ka nung ah hong tu, a guitar case a pan a Givson Guitar la khe phia phiat in.. ‘Arpeggio licks’ nalh taktak hong tai pah vitvtit hi voo..Ka bil in ka nunglam nga pah lian! Khoih thei lua sim mawk ahih man in Sia Thang in zong pakta mahmah pah hi. Tawp in ‘tuni lesson’ vai ka ki kum kha laizang uh hi. Mi ho nop lua, ki niamkhiat leh pawlhnop lua pi khat ana hi! Grace Photo a ka lim sawp nong lak pih diam? Hong ci zenzen,.hi tham e ci pah, ki zui suk heuhheuh,..Lamka a guitarist thupi penpen leh ‘promising’ penpen khat tawh kizui kha ka hih lam ka thei dek neng kei hi!. Guitar siam na cia,a sin in nong kuan lailai a, a teacher a pan d eivele ci a ka ciamnuih leh, Metal Guru U Nang(Khupnang’) kiang ah ana sin kha ngei ahih dan hong gen hi.
Machiiz thupi kasak na mahmah ahih leh, music paidan dik hoihtak in ana tawn kha hi. Ei pawl in music ki mawk khoih phuatphuat mawk, naa a paiding dan om hi veh aw..Guitar solo nalh pipi bang tum ut pah mawk, khat le nih bang tum thei tei sam..a maban bing hiaihiai! ABC (basic) sim lo pi a class X a tut sawm ki hi mawk hi. Laisim, line khat leh nih khawng byheart in gen thei zatzat ta leng zong ABC simtheilo gelh theilo a ding in i maban bing hiaihiai ding hi. Music i cih a basic ana om a ,Staff notation ki ci hi. A basic kip tak in thei phot peuh mah leng i ut tantan i peih tantan ki zonkhiat, ki phuahphuah theih ding hi. Basic kip tak in thei leng Bazaar a ki zuak or internet khat peuh sung a music Sheet/ note ki gelh khat peuh(inn dim om pial ta leh zong) i ut bangbang a en thei ta,sim theita mawk ding ihih man in i nuntak lai siah bel i theihna/siamna ki beh lap to den ding cihna suak mawk hi. Machiiz in Basic(staff note) hoihtak a asim theih pen khamuan huai leh detdo ka sa mahmah hi. Amah mah in Basic poimawhna a gelhna Article khat ah “English Rock band ten music a phuah ding ciang un Music tum lo in music gelh masa uh hi” a cih thupi ka sa hi. Music gelh uh a, music sim uh hi. Ei pawl in a poimawh pen na kip hawk kha lo hiit hiat hi voo..
Thrash Metal leh Blues music ngaina mahmah hi’n ka thei. Khuak hoih petmah khat zong ahi hi. Khat vei sia Thangpi in exercise haksa mahmah ‘Arabic Scale’ ki ci khat hong tum sak hi voo..haksalua student dang ten tuni tan kitum thei nai lo!(kum 5 val paita)..aman hua hun sung mah in tua scale sau mahmah, note tam mahmah pen hong baal mal suk pah hmiah hmiah mai! Ki daak hiuheu lel. Khat vei Joe satriani Instrumental ‘Always with you,Always with me’ hong sial hilh tamaizen! Hi ci bang a chord thupi haksa leh lamdang ana zon khiat zawh thupi kasa mahmah hi. Ama a ding in bel ekthak zah a nuam asak ana hi zel!(ala zawzen). Tua ni a pan in Joe Satriani bang ka ngaihsang na ki behlap hunhun zezen hi. A siam na bel thuk taktak mah in ciai!,..cih phet in om hi. Leitung a guitarist thupi pen pawl a ki ngaihsun Joe Satriani music te bang lawmpan ana ban lah dek neng lo hin’ maw..Machiiz ngaihsang huaina mahmahna khat ahih leh guitar bek hi lo in Keyboard(piano), Bass guitar, Drums cih te a khoih siam mahmah vek ban ah Violin nangawn tum thei hi.
Mi citak leh kuhkal petmah khat ahi hi. Khatvei ‘guitar dakkal thum ka tum’ ka cih leh pau het lo in hong nuih san heuhheuh hi. Azing lam ciang in khatvei mah a lungsim zawh deuh khak leh ci in ‘zan nitak guitar dakkal 5 ka tum geih lel, dak 7 apat 12 tan’ ka cih leh aman “kei aak in hon khuan khum gige” ong ci heuh lel..gen di bei sim! Thupi ka sak mahmah na nawn khat: Khatvei concert ci dandeuh programme khat om hi voo..amah i gam ah minthang lua nai lo, mi’n thei tam nai lo hi ven..ama a music ana et khawm pihpih a lawm ten a minthang sim khat hong paileh amah ana nawl khiin bawl vial uh. Amah zong pautam se lo a guitar lead solo( ama part teng) lai khat ah ‘staff note’ a gelh khe ziahziah, guitarist thak pa pe geih , pai vingveng..Lawmten ‘staff note’ en thei pha lo uh, ana nung buai thit-thit thou uh hi didan ai. Hunte hong pai in hong ki vawk sang to hiaihiai in ‘Lamka Metal Guru’ U Nang tawh ei mi sung a ding a Thrash Metal la ki phuak khia thupi penpen pawl “Sesum” cih hong gelh khe demdom mai uh hi.Ahit viau hi lo hia!..I zogam it leh ngaina mahmah ahih bang in Zogam ngaih na la hunkhop mah ana gelh khia hi. Music ki lawm taktak Metal leh Blues blend khawm in a phuah te bang Recording company hoih taktak te tawh ki thuah lo a pong khum mawkmawk ding in pammaih kasa phial mai hi. Lai gelh siam tak zong ahi a, 2008 kum a tongluang?/Zingdaitui ? a music tawh kisai article gil tak mai a gelh pen, a vangkim a i News or magazine te a suah khiat zelzel ding in hoih kasa mahmah hi. Music ngaina te’ a ding in i ‘gou manpha’ khat hong hi ding hi. Tua hun lai in soundtrack a lasak kithang mahmah hi ven..kei ngaihdan mawkmawk in hih a article gelh in Soundtrack system bengdai zo top hi in ka thei!.Live Music i khoih pan sauhsauh ta uh hi.Lungdam huai lua!
‘Sky is the limit’ cih dan pian in Machiiz in ma sawn zel in hong khangto zel hi. Lamka nusia in Delhi round khat vaa tuan ciil zek a, tua khit ciang in Pune lam ah va leeng suk in, tun Trinity Music College ah Instructor in pang hiuhiau hi. London(U.K) tawh kizom in music syllabus te zong Trinity London te’ a tawh ki bang chetchet mah hilh ziahziah lel hi. Ama private in zong student(vaite) tamkhop mah nei lai hi. Vaite tung a gualzawh ding dan hi ci dan khawng mah hi veh aw mw..(Bihari sik se zong khat ana vaw mawk cih te khawng thring law ta…lolz). A manager te uh geelna bang a apai theih leh tu kum in a Band un North East hong tour maithei uh hi.. ana ngak chen chen mai ni maw…(Facebook a contact nuam ten: Alfredz lian zomi ana search vivit mai un..)
White Metal: Gospel lam ah zong ki maimai lo zel..Khatvei Chattarpur Hills, New Delhi ah Youth With a Mission(YWAM) conference khat om hi voo..YWAM i cih International Mission organization ahih dungzui in America, Europe,Africa ,Korea, South America cih khawng a pan mi tampi paikhawm uh hi. Alast nitak a Band khat special no. pia uh hi voo..Acoustic instrumental khat ah hong pan heuhheuh uh,. mipi ten siam sa lua, mi teng dai khip khep mai! Minute 4 hiam khit a music hong beita..tomcik hong khawl(paused)uh hi voo..Thakhat! a drummer pan a drum hong roll vivit, music dangteng in hong bawh zui..puak fitfit a Iron Cross te’ la ‘Rosy’(a la sa lo instrumental a tum suak) hong panta maizen uh chuu!! Mipi teng ki ko zaak, a dingto a khut beng ziahziah pawl tawh, kitawm a laam vengvung pawl tawh..English te naupang honkhat leh vaite naupang bang zah hiam ki dek zolo stage tung ah va taito uh,.va hip-hop ziahziah uh!! Musician te bang lamdang sa lua ki en tuah nui himhem mai uh!..a la hong beita, English leh Korean naupang ten stage bul a atut na(tuanglai a ki tu vek hi ven) ua pan ‘one more please, one more please’ ci ki ko laihlaih mai uh, stage apat a pai khiat di bang uh ana phal lo dek mawk uh!..America te khat nidang a Rock/Blues Band a ana tumtum ngei khat, phur zaak gawp zaw hi di hi ven, hun ngen mawk..Electric Guitar khat hong lakhia, Blues solo khawng hong tum ek ek mawk!.. Hua nitak ciah chuu..ZOMI hih khak nak nop hi venn..Why? A Band , Performte ei’ ate ngen hi mawk uh hi ven..Lead Guitar: Pau Biak Lal, Bass: Biakthang, Guitarist: Elson Samte, Drums: Biakpu
Minthang: ‘Aksa in the plate’ te’ Lead guitarist pa ahi. A Band min mahmah uh zong creative leh tulai modern trend mankha mahmah kasa hi. 1970/80’s pawl in English te Rock/Metal band min te a nalh theih dan maw..Megadeth, Iron Maiden, Aerosmith, Black Sabbath cih te khawng a band min bek uh zong nalh lua, thupi lua khin hi. Ahih hang in tu lain tua bang te thang nawn lo in band min ding a zong ki lawm i sak loh phial: Race Against the machine(RATM) Red Hot Chilli Peppers( RHCP),System of A Down (SOAD), Aksa In The Plate (AITP) cih khawng kithang ta hi. Ei’ a ten zong leitung ki khek lamdang tawh ki tuak in leitung paidan ki baan mahmah hi.
LRRC (Lametna mun) a Kyaw Khaine kiang a guitar sin lai, Minthang ka mu masak na pen ahi. A guitar a kiang a tutna tung ah lumsak, a phei tung ah a note book koih in staff line tung ah staff note ana gelh ngauhngauh hi. Atum theih bek hi lo in Basic hoih tak a thei ahih man in ka zahtak pah hi. A khe tat(tempo) keuhkeuh, lu su ngiaungiau kawm a Blues scale nalh deuh hong tai vengveng mai chuu..a mood/feeling hong pe zo lua, nunglam en leng i kiang ah B.B.King, Eric Clapton cih te khawng ana ding ngemngom mai le uh ki lawm phial!. Paul Gilbert Ngaisang mahmah a ka theih khat ahi. Kum bang zah hiam paita, nitak lam khat a room a kava lut leh Mr.Big te la ‘Green tinted sixties mind’ kici intro ana tap ziahziah hi voo..Thupi salua, siam salua hi mai! Guitar tumthei naran/a siam zek maimai te’ tum theih ding te pawl hi vet lo hi. Guitar tapping leh solo kihelh(blend) kilawm tak leh haksa mahmah ding a Paul Gilbert(Mr. Big guitarist) in ana phuah, lawm pan ana ziar khu vitvit!. Enter Sandman(Metallica) cih khawng a tum theih na sawt mahmah ta. Musician/Guitrist te pen music a sisan ua belh ahih man in tumtum, ngaihtuah tuah ahih man un hun sawt ki vei a, kum tam a pai deuhdeuh leh siam dedeuh uh hi mai hi. Ka muh khak nawn loh na sawt sim ta ci leng, tun bang zah tak in ana siam ta diam? Gari kham lua mahmah, gari tuan peih loh man in India khuapi te a lung-gulh zo kei top a hi venn..hi kei maizen leh Great Indian Rock a stage thupi taktak te ama laamtual ding zaw hi ven maw..a poi vot a qu..
Minthang thupi kasak mahmah na khat ahih leh gahsuang/ gah nei kasa hi. Aveng (Zion nlk) kiim lak ua ding in influential mahmah leh motivator hoih tak ahih hi. Pautam khol kei le zong a action in!..Directly or Indirectly, ama guitar tum na hang in a veng lak ua khangthak naupang guitar tum lunglut, tumsiam, lasa cih bang hong phul khe zungzung mai hi. A hi thei tan a lam ana lak leh ana train tou in, Khat vei bang Lasak/Music lung luut teng kaikhawm in “Aksa in the Plate Concert” neih pih ek mai uh hi. Zaanglo lai ah! A thupit na nawn khat, music tum ding a ki pat sawm a om ngeingei leh Basic ‘staff note’ mah ah ana pat pih tinten hi. Sum muh theih na ding ahih nak leh student te’ ut dandan cih te om lo. Ei pawl in ‘basic’ thei lo a ‘lead’ ki tum ut pah mawk ahih ciang a..student bang zah hiam zong taan lawh hi. ‘‘Apoimawhna thei chian lua ka hih man in ‘Basic’ ka hilh tinten mah ahi” ci maidan hi. Foundation kip mah i poimawh uh hi phot ven maw..
(Oh! a poimawh pen mangngilh khadek..for nungakte: Tangval lai ahi a,.nang a di a hi het kei kuan a ci thei tuan a!? ‘fortune favours the brave’..sah deuh in 9856730979 ah panpihna hong ngen leteh...lets c wat v cn do 4 u..hehehehe…)
Mizo te music lam ah ana sang deuh uh cih mahtak, pasal bek hi lo in numei zong Rock Music ah tuitum thei mahmah uh hi. Lawm numei (mizote) ‘Emo’ sim a ki chei vitvet gige khat, um mawh sim ka hih man in “Rock music na ngai ngei hia?” ka cih leh ‘very much” hong ci hi. Ur favourite Band? ka cih leh ‘Skidrow’ and ‘Motley Crue’ hong c ta mai zn! Ciamnuih kawm viivee in ka cibai zezen hi. Face book ah khat vei ka muh khak cheuh eimi teenage nungak khat a favourite band ah Slip knot, Megadeth ,Iron Maiden, Metallica cih khawng ka mu kha hi..Thumps Up! Music i cih football tawh ki bang lua, a kimawl teng or a Band teng bek a poimawh hi lo, a ki sam mahmah ‘most significant element’ khat ahih leh a Fans te ahi hi(a diak in numei te! hehe). Pasal ngen rock vivit cu nuam thou..but..Metal music zong numei lo in Bukim thei tuan lo hi..Ei’ nungak te zong a mainstream simsim om zekzek ta! Norweigian Black Metal Band ‘Satyricon’ te bang a Keyboardist uh numei eive..Thupi hi mai!
Thukhupna: I pi leh pu ten ‘zu nung, sa ai’ in la ana ki paih ngekngek uh a..“Anuam in bang a nuam hiam aw..Zua’lam leensial kii leh khuang nuam e, zua lam leensial kii leh khuang nuam e, ziin lailen kaal tangbnang nuam e” ana ci uh hi..nuam asak penpen uh khuang leh sialkii tum a lasak/laam ana hi maizen hi. Ei khangthak Zota te’n zong, i pi leh pute’ maa bang patsa guikhau bang zom to in, Khamtheih/guihtheih mangpha khak in siangtho tak in, Music zaal zo in nuamsa khawm ni…Metal Heads of Lamka, Unite….. “Khen tham louhte gii bang ki khen kei ni..Heina peuh ah leeenlai aam in ki it ni maw..” V.Siampu
(Secured permission from the Editors: The Chin Herald)
Who's Online
thang, lammin, phunchiak, ghauzel, zwanmwat, Mtunglut, tcngaihte, chhurbuur, matei,