You are here: HomeArticlesGeneralIntekte Hun

Intekte Hun

Written by  LT Ngaihte Published inGeneral Sunday, 26 February 2017 14:36
Intekte Hun

~By: LT Ngaihte

 

Himah e, himah e, a gal a omte kicinglah zaw sim gige mah ung e. I gam omdan leh paidan a gal a awlmoh mahmah pawl ki om mah hi. Hihtheih dang omlou ahihtoh ci in,social media leh newspaper/magazine khong ah ngaihdan ki gelh zel. Anasim a ngaihtuahna napia a om a kikhekna/ki bawlhoihna a tun theih khak leh cih deihna in.

 

A phattuamna a om kei a cih theih kei.Aphattuamna hiai teng ahi ci a va luikhiak theih le ahisam kei.Haici bang ahi a,hong pou ding,hong dawn ding,hongkhang a hong picing ding thute ahihziak in. Bangteng hileh social media zattheih dia ilak a hong om kum 10 valzek apan,laigelh khiak eimi lak ah apung mahmah hi. Labu, Bible, Hilchetna, Kristian Khualzin chih khelkhel louh, khawtang leh nundan tungtang gelhna zong tamkuam in pun behta hi.

 

Agal a omten inlam a ki et ciang in,duhthusam banglou leh diklou sakna atam zaw gige a,huaite kikup ahih ciang in,alou theilou in ‘makai’ te tung atu gige hi. A lou theilou le ahi. Huai in ‘makai te mohsa,nou hong kipan khat le hilou’ ci a kimohsakna a om zel. I omkhakna ki pawng nutsiat theilou ahihciat na ah,huai cihziak a agal a omte,inlam hong kiksuk leng thil hithei hi khollou hi.Huaiban ah, agal a te hong kik takpi om leleng,amun a ten na panpihkhollou lai kha ding cih khong thu tamkuam a om ding.

 

Social media hattak leh taima tak a I zattheih nung ua,election om pat na ding hi kongkhat ahih na ah,tuciang in, mipi nautang ten leng igam leh nam vai leh I omna mun te nidang sang in I theician mahmah ta ding uh cih gintak huai hi.Huaiziak in, I vote zawn dan leh piak I sawm dan leng hundang a ihisap dan toh a kibang non kei ding. Hiai ‘technology’ man lou a nidanglai thilhih dan a hihsawm te a lohcing taktak dun a gintak huai non kei.

 

Hiai kitelna tuhun a ompen program a ‘intekte hun’ bang in ka ngai,aziak tuh a gamleh lei a tengte mah in voter id nei a,huai pansan a deih hon tel ding ahihtak ziak un. Huai ding in, agal a om ten awlmohna lianpi nei mah le uh,ahihtheih uh om lou hita hi. Huaiziakin, sawtkuam a pan, khotang hin saptuam sung hileh ina kisinsak uleh iki mop uh thudikna leh ginomna suah in,intekten a hun uh, kilawmtak leh ettontak tak in hon zang le uh cih I deih mahmah hi.Thudik a I omnak leh kuamah lauh luat na ding om kei,kuamah inle huaiziak a hong muhdah a hong khoihna ding uh leng om tuanlou ding hi.

Read 507 times

  • tempawng
    tempawng
    Tuesday, 28 February 2017 13:07

    Inntekte kuapen hunpiak dile eidiam maw na kituak kei nasa ringot bawk si ua hitamahleh noumau vote chiat sianghtoutak in ana khe chiat un

Login to post comments