You are here: HomeArticlesInterviewKim Dingdi Khaute, ZOLMA 2014 Best Vocalist – Female

Kim Dingdi Khaute, ZOLMA 2014 Best Vocalist – Female

Written by  Lianno Tombing & Biaknem Guite Published inInterview Tuesday, 17 February 2015 12:27
Kim Dingdi Khaute, ZOLMA 2014 Best Vocalist – Female

Pu LM Khaute IPS, ADG (Law &Order), Manipur leh Pi Mimi Khaute gil a gah goutan 5 te lak a 3na Miss Kim Dingdi Khaute, tullel a Sharda University, Greater Noida, UP a B Tech. simlel in ZOGAMonline Music Award (ZOLMA) 2014 ah Best Vocalist – Female a hon lakna kipahpihna leh houlimna ZOGAMonline Team in a tenna inn uh, Malviya Nagar, New Delhi ah January 24, 2015 in nuamtak in vakinei thei a, houlimna saulou taakkhe lehang chidan ihi.

 

ZOL: ZOGAMonline KDD: Kimd Dingdi Khaute

 

ZOL: Congratulations sanggam nu. Bang chik apan laa lam nana lunglut pan a, hiai tan hong tungthei na hia le?

KDD: Kipak ei. Ginchaklo leh kinepna khel ah mipi doisakna ka chang a, zia tiang hi tungthei ka hi. Neu apan la lam na lunglut pan ka hia. Kum 10 ka phakma ah kipat ahi tai.

 

ZOL: Mipi mai ah chik apan lasa in nana dingpanta  ale?

KDD: Neulai apat, Sabbath School apat mipi mai ah ka la ding tai.

 

ZOL: Bang la lampang na lunglut a? La phuah na neita hia?

KDD: Sapla ah Zawlla leh eimi la ah Pathian la lampang ka lunglut a, hilehle gamkhantona di leh gam ngaina la lam le ka lunglut a. 2/3 vel chu ka la phuaksam a, hilehle release chu ka bawl nai deu puai.

 

ZOL: Zawlla leh Pathian la kikal na ngaihdan hon gen ve.

KDD: Zawlla leh Pathian la hi, a kikal kigamla talua’n ka koi puai. Mihing hihna ah I experience tawh kizui ah thu a gendaw theilote la a hung suak a, la a I sakdaw ahi mai a, himaleh mi I chuam dungzui ah I lakdan le a chuamsek ma ahi. Ke’n chu ka khenchuam talaw puai.

 

ZOL: Bang chidan a la phuak na hia, bang in hon inspire a?

KDD: Life experience pansan ah ka phuak ahi.

 

Zol: Recordings – Video leh Audio bangzah na na bawlta a le?

KDD: Audio ah 13 vel leh Video ah 8 vel minlaw thei kala khum tau.

 

ZOL: Na lasakte lak ah bang la in na lung hon khoihpen a?

KDD: Ka Album “La Kiang ah Bangkim” ti ah pang– Nu’ Pauchapna  ti la in ka lung ei khoi pen nalai hi. Mihing hinkhua a mi poimaw pen leh I hinna sukhatu “NU” ahi.

 

ZOL: Guitar bang le siam mahmah na hi a, instrument dang bangbang na hihthei a?

KDD: Thiam ti ah gen ding chu ka hilo vangin, guitar ban ah piano le ka khoi thei hi.

 

ZOL: La lampang toh kisai a haksatna, huai hun chia hon hanthawntu?

KDD: Haksatna talua chu a tuak nai puai. Mipi tamtak mai ah live performance ah ka dingtawm ziak leh experience ka doi bang a ka haulo ziak in neukhat haksa ka sai. A ziak chu kei mun chuam ah (gamdang a, I mi isa a tamlona mun) um ka hia, students, kochuam khawmpi leh mipi kipunkhawmna ah tam ka panthei nailo ziak le hiding in ka koi hi. Artist khat leh khat kikal ah cooperation hoitak kipiaktuana ka muzel ziakin ziate chun ei tilkho a, zia ziak achun haksatna ka tuak tam puai ti’ng ka.

 

ZOL: Lamka leh I gam a music market ginatak a kineitheilou, bang loh a pha di a le?

KDD: Ei lamte chiindan, music/video I release ni a zuak/zawk, a ban zuakna mumal leh dawr mumal tak ah zawkna a umlo ngut a, zia pen chu hithei taktaklo hikha maithei. Himaleh, kei ngaidan ah district tin hem, I khawpi chuamchuam ah promotional tour bang neithei in, i la/video/album toh kisai bang mipi mai ah gen in, mipi mai ah I thiamdan show thei lehin market neu diaklo ding in ka koi hi.

 

ZOL: Lasiam na ngaihsangte hon gen ve.

KDD: Lathiamte ka ngaisanna leh ngaisang dan a kibang pua, gen di pen ka he puai. Ngaisan ka hau hi.

 

ZOL: ZOLMA 2014 awardee na hih a na reaction leh hiai award na lakna ziak hon hilh gensin dih.

KDD: Ka kigingcha pha pua, ka min a kikou ale ala helo ka hi. Pathian in lem asa, ei nominate tute leh ei vote tute doisakna zal, ka nu-le-pate leh lawm-leh-gual doisaktute ban ah ZOLMA organizer te ziak ahi. La leng ua chung ah kipakthu ka gen thakthak hi.

ZOLMA la hung bawlzel ua, lasate leh music lam bawlte la hung chawthou zel uh ka nawp lampang ahi. Zia ban ah tusang ah publicity leh advertisement zauzaw leh lian huap in mipi hiat di’n ZOLMA puangdaw hi nalai leh ka nuam a, a event leh conduct chu accommodative ka sa, very much appreciated himai.

 

ZOL: Na nung hon zui a album hon bawltou dite leh na fans te tung ah na thuchah nop om hia?

KDD: Follow your heart. Music lunglut mi la hileh practice inla, na self esteem sansak inla, develop in. La tupna tunglel keilo ding la hi. Vote hung petute leh a hung ngainatute, mel a ka muphaklote na tiang in lei doisakna ziak un ka kipak a, ka maban ale ei tawsawt zel ding in ka hun chial hi.

 

ZOL: Hun manphatak na hon pia a, ka kipak uh. Na sinna leh na maban nong lawhchin touhzel ko'n deihsak uh.

KDD: Kei le ka kipak ma ma ei. Nang uhle hung lawting zel un.

 

 

 

 

Read 3645 times Last modified on Tuesday, 17 February 2015 20:26
Login to post comments