ZogamOnline

Joseph Lalrothang. Zonal Education Officer in  tuni a thusuah abawlna ah, ZEO nuai a Science Unit in hongtung  ding Nov. 20, 2011  chiang in District sung  mun tuamtuam  ah Scholarship Examination   hiai bang in neihpih ding  hi.
1.    1. State Level National Talent Search Exam 2011-12  (- Class Viii sinlai te ading)
2.    2. State  Talent Search Exam 2011 ( Class Vii te  a  ding)
3.    3. National Means Cum Merit Scholarship Exam 2011( Class Viii te a ding)
Hiai Exam na a tel thei ding  te  bel Govt/ Govt Aided/ Recognized Institutionte a Academic Year 2011- 2012 sung a  te hi ding  hi.

Headquarter Veng a DIET Centre mun ah hongtung ding Aug 24, 2011 ni in Computer Training nading azatding Table Jr. High School 10 te kiang piakkhiakna om ding hi. Huai Table tangkha dingte bel Tuining Jr. H/S, Sumkholem Jr. H/S, Saiboh Govt. Jr. H/S, Ngulzapum Jr. H/S, Ngarian Jr. H/S, Lungchin Jr. H/S, Dialkhai Jr. H/S, Sartuinek Jr. H/S, Ningthiching Jr. H/S leh Saipum Jr. H/S te hiding uhi.

Churachandpur District a NGO-te nasepdan enzui dia kibawl “committee on NGOs CCpur (CONGO)”  pawl leh NGO tuamtuam a makaite’n  tuni zinglam dak 11:00 in DC office a BRGF Resource Centre ah DC/CCpur makaihna in meeting nei uhi. Huai meeting na a thupukna dungzui in Sept 7, 2011 in in Rehab Centre te a Doctor leh Nurse te’n training neiding ua, Sept 8 in Counsellor te training piak hiding uhi. Huaiban ah Physical Inspection neih pahding in pupukna bawl uhi. Hongtung ding Sept 05, 2011 in CONGO meeting om nawn dinga drugs doudalna dia philantrophic orgn te toh meeting neih ut uh ahihthu leng genkhawm uhi. Huai banah MSJC minimum standard toh kisai in CONGO leh Rehab centre te kithuzak a nasem khawm ding chih te genkhawm uhi.

Muanhuai tak akipan thutut kingahdung zui in tuni’n Field Worker leh Male Health Worker (MHW) Assn. office uh Nehrumarg ah meeting poimoh taknei ua, huaihun ah amember pih uh asita TS. Thangpu leh Lamminthang te sunna minute 1 sung nei uh hi’n thutut kingah hi.

Hongtung ding Aug 24, 2011 nitak lam dak 2:00 in DC/CCpur office a BRGF Resource Centre Hall ah District Level Screening-cum-Coordination Committee on exgratia meeting om ding a, huaihun ah case 7 thu genkhawmna neiding uhi.

Tuni nitak lam dak 2:00 in Ms. Jacintha Lazarus, IAS, DC/CCpur makaihna in ama office a BRGF Hall ah District Health Society Governing Body Meeting om a, huaihun ah  Dist. Health Society in 2010-11 sunga na asepkhiak sa te banah maban a nasep dingdan tel in thu tuamtuam genkhawmna nei uhi.

(L) VR. Buongpui Memorial District First Division Football League 2011 apaita July 23, 2011 ni a, Lamka Public Ground a CDSA saina akipan tuni nitak lam dak 2:00 in Closing Ceremony hunzatna om a, huaihun zatna Ginsuanhau, President UZO GHQ in Chief Guest hihna toh uap in, Grace Zamnu, MDC, Muallum leh Maier Siegmer, Engineer, Germany te’n Guest of Honour leh Special Guest hihna toh uap uhi. Huai hunzatna a Chief Guest in athugenna hunah kimawlmi te’n chihtakna nasuah ua, District akipan State ah State akipan National level tanpha a kimawl theiding khawp a siam nasom ding uh ahi chi’n hanthawn hi. Hiai kimawlna hun ah team 9 talin team khat in play 6 zel tang hi.

G. Nengdouthang Block secy, Paite Tribe Council, New Lamka Block akipan kizaksakna leh ngetna thusuah kimu dungzui in, Paite Tribe Council New Lamka Block sunga om Paite inn lusi a annual fund 2011-12 teng 50 chiat unit chih in hong kidong dinga kuapeuh in imi nam leh gam iitna toh na pe chiatding in ngetna bawl a, recipt leng na la chiat in ngetna bawl hi.

G. Ginzathang, President Young Paite Assn, Hebron Veng Unit, New Lamka akipan thupuan kimu dungzui in YPA Hebron Unit 2009 a thupukna te pomkipna nei uh ahihdan taklang hi. Huaite bel
1. Hebron Veng N/L sung ah sasianglou leh sapul  zuakphal ahi kei
2. Tehna zanga vanzuk peuh mahin, tehna diktat azat ding hi.
3. Lois a zuakte’n bongsa chi a, zuakphal ahikei.
4. Sazuakna Table Rangva pek ah a tuamvek ding ahi.
Hiai thupiakte zuilou a ngeingaih lou aom leh akituah bang action lak ahiding. Hiai thupiak zuilou athei kha omleh Ph.no. 8974716281/9862238138 te ah thuzak theih ding hi.

Comments (0)

Write comment

You must be logged in to post a comment. Please register if you do not have an account yet.

< Prev		Next >