Angels' Vision News | September 30, 2011
ZRA in khamtheih zuaka kipei mikhat mankhia. ZRO/ZRA Town commander makaihna nuaiah khopi sunga thilchin hoihlou te douna paitou zel in tuni zingsang baihtak dak 6:30 in ZRA in Robert (27) s/0 (L) Lunsat Vaiphei of ICI Road Lamka mankhia in ataksa tungah khamtheih RP tang 230 asum ahisap a teng 1700 manding toh mankhia in, khopi sunga thuthak lakhawm tute maiah mellahna leh akhamtheih te halsiat na neisak uhi.
------------------------------------------------------------------
Douthanlun Tombing, Executive Editor, siamsinpawlpi Magazine, 2012 akipan ngetna thusuah kimu dungzui in, Siamsinpawlpi Annual Magazine, 2012, Vol. 47&48 ading Paite/English agelh article deih hi a, Hard copy/Soft copy in piaklut theih ding hi. article peuhmah siamsinna toh kisai deih tuam ahihdan taklang in agelhtu’ original, magazine/newspaper khatpeuh a kisuahsa lou ahihding adeih thu taklang hi. Piaklut theihna dingte bel 1. SSPP Complex Bungmual, Lamka 2. Mang Guite, Editor at thawnsau Enterprise, zion street, Lamka leh This e-mail address is being protected from spambots. You need JavaScript enabled to view it ah Oct 31, 2011 tan in piaklut theih ding hi.
------------------------------------------------------------------
Tuni Sept 30, 2011 in Zomi Chief Association kichi phuh khiak in om a, huai ahih toh kiton in hiai anuai ate Executive Member dinga guang in om uhi. Chaitman TK. Hang Suantak; Vice chairman Vumchinkap; Secy T. Nungpau; Finance Secy M. Ginthanlian; Treasurer S. Lianzamang; Joint Secy G. Thangbiaklian leh Info secy Thangkhanlian te hi ua, Member dingin V. Pumzahau Nengkhai, Th. Thangkhochin leh Khamchinkap te ahihban uah Advisor dingin G. Thiankholian, Thanglianpau, Hauneilal, Ginsuanhau leh Khaikhanhau te hi uhi. Amau te vaipuakding hunsung ahihleh kum 3 sung hiding chi’n TK. Hang Suantak Chairman, Zomi Chirf Assn leh G. Thangbiaklian convenor te’n thusuah bawl uhi.
------------------------------------------------------------------
NYK Churachandpur saina in tuni zinglam dak 10:30 akipan nitaklam dak 4:00 sung in Chiengkon Pang Community Hall ah “One day Training for Youth Club’s Leader” on Awareness and Education for the prevention of Drugs Abuse and Alcoholism in Lamka chih thupi anei in Programme zang ua, huaihun zatna ah N. Johnson, counselor-cum- Social worker, IRCA/LRRC, Khaikhohauh Gangte, District project Officer (DPO), NYK, CCpur te’n thupi tuamtuam pansan in sinsakna pia ua, J. Ruivah, zonal Director (ZD) NYKS, Imphal Zone leh H. doungel, District Youth Coordinator, NYK CCpur te’n thugenna hunzang uhi.
------------------------------------------------------------------
Leijang khopi aom HM. English High School in Sept 26 akipan Sport aneih uh tuni nitaklam dak 2:30 in Closing Celemony hunzatna nei ua, huaihun zatna ah JS. Mundi, Commander 1/11 Gorkha Rifle in Chief guest hihna toh uap in, Students te kiang ah Prize piaklkhiakna leh hasotna thugenna hunzang hi. Huaihun ah Chief guest in HM. English School ading in Football leh Volleyball pia hi.
------------------------------------------------------------------
Hongtung ding Oct 02, 2011 Gandhi Jayanti ahihtoh kiton in, Hiangtam Lamka vengsung suksiang na neih hiding a, huaihun a Jobcard neiteng zing dak 6:00 apan dak 8:30 sung kuanvek dingin Hiangtam Lamka Hausa Pu. Thangkhosuanmung Guite in theihsakna bawl hi.
Who's Online
thang, system32, lammin, phunchiak, ghauzel, zwanmwat, Mtunglut, Lian ngaihte, chhurbuur, matei, tcngaihte,