ZogamOnline

NLBC Bialinn Elim Veng N/L ah EBC Lamka South Division Kumsim khawmpi 5 veina neih in om.  Evangelical Baptist Convention Lamka South Division Kumsim khawmpi 5 veina zan nitak in New Lamka Baptist Church, Elim Veng ah kipan hi. Hiai khawmpi ah “Kha thugen za un” chih thupi pansan in Rev L. Khamkholun General Secy,EBC  leh Rev S. Vungminthang Director of Mission EBC te’n thutak genna nei uhi. Tuni sunma dak 9:30 – 3:30 kikal sung vaihawmna hun in nei ua kum nawn 2012 budget ding in 5,65,17,000 (Crore 5, lakh sawmguk leh nga leh sing sawm le sagih pomkipna nei uhi. Tuni tak in mipi kikhawpna om a, tua ah Rev L. Khamkholun Gen. Secy EBC in thutak genna nei hi. Hiai khawmpi zingchiang nitak in Upa T. Lamenthang Chairman DWC in khakna nei ding hi. EBC lamka South Division huamsung ah Biakinn 23 om in, EBC inn 2950 om hi.

----------------------------------------------------------------------------

Lenna a kikawm tuahna lam a semtu ding  Cabin Crew,  Ground Staff, leh Flight Handling ban ah 5 Star leh 7 Star Hotel a  Food Court & Plaza, Hospitality Management  leh Tourism na sepna a sem tu ding  zonna hong tung  ding  Oct. 3, 2011 Jinglam  dak 11:30 apan in    International Career Academy , New Delhi in  Lamka pansan a Branch  aneih  Alma Computer & Sels Travel Agency, Opposite  Singngat Bus Parking   Lamka ah Kum 18-25 mi, Class  12 zousa te a ding in   Interview  sam hi.   Hiai a ding a lunglutna  neite’n  ngetna leh  Full Passport khat tel a limlak 3  toh  chiklai peuh in Branch Office ah ngetna piaklut theih ding  hi.  Thuchian kimjaw leng Mob. No. 9862595067/ 9856357050 ter ah ngah theih ding hi.

----------------------------------------------------------------------------

Chin Baptist Association (CBA) saptuam a kiphuh khiak nung kum 50 chinna Golden Jubilee zan nitak in kipan hi.  Tuni sunma dak 10:00 in TCC Hall Lanva ah Golden Jubilee suang honkhiakna Rev. Dr. JM Ngulkhanpau neih a, teltuam heutu mi 50 in dak khetna nei uhi. Hiai hun ah EBENEZER, Tu ciangciang Topa In Eite Hong Huh Hi chih thupi a nei in Rev. Dr. JM Ngulkhanpau leh Rev Dr. Sutkhanthang te’n thutak genna nei uhi. Jubilee lopna hun zingchiang nitak in khak hi ding hi.

----------------------------------------------------------------------------

Ministry of Home Affiars Govt of India panlakna in gal leh helpawlte khut a sit e galna toh kisai a, District Level Committee on Central Schme for Assitant to Victim of Terrorist & Communal Violent meeting hong tung ding Oct 5,2011 in DC Office ah neih hi ding hi. Hiai meeting ah SP/CCpur, CMO/CCpur SDO teng tel ding uhi

----------------------------------------------------------------------------

Zomi Youth Association (ZYA) Tuima Unit thak honna hong tung ding Oct 6,2011 in Tuima khua ah honna neih hi ding hi. Hiai hun N. Zatawn EX-MLA in chief guest hihna toh uap in Tuima ZYA Unit hon khiakna nei ding hi. Tua ban ah Thanglianpau President ZRO, Thongchinlian President ZYA Raja Goukhothang Block, G Suanchinpau MDC, leh G Khamkhohau Chief of Kangkap te’n chief host, functional president, guest of honour leh Host hihna toh uap ding ua, sial 2 gou in mipi’n ankuang umkhawm ding uhi

----------------------------------------------------------------------------

National Cleanliness Day kum tenga Oct 2 a neih a om sek pen zingchiang Oct 2,2011 Pathianni toh a kituah khak ziak in Oct 5,2011 a neih hi ding in Ms Jacintha Lazarus IAS DC/CCpur thusuah bawl hi. Hiai ni mah in Natioanla Cleanliness Campaign neih in o ding a, hiai ding toh kisai in Oct 3,2011 in gari pai ding dan paun khiak hi ding chi’n a thusuahna ah tak lang hi.

----------------------------------------------------------------------------

Manpiur Home Dept in Jamedar, SI/ASI tukum bul a mitamtak a lak uh written tan nei sakta uhi. Written test result a suah hakluat ziak in CCpur apan candidate written result ngakte’n Govt kianga phut sawm in tuni sunnung dak 1:00 in YPA Hall Hiangtam Lamka ah meeting nei uhi. Hiai toh kisai in CDSU te toh Oct 3,2011 sunma dak 10:00 in meeting nein awn ding ua, a poimoh banga CDSU in panlak pih sawm chih thu om hi.

----------------------------------------------------------------------------

Hun bangtan hiam pai ta a RMSA tungtawn a school building bawl ding chih leh thil tuamtuam toh kisi in government lam apan fund te hong pai in, school tamtak in a nna leng sem in muh ding leng tamkhop tak om hi. Huai bang kal ah, Churachandpur district sung a om GM High School leh Kangvai High School a ten a school building leh a neuh neuh te a bawl louh ziak un, apaisa Septmber 9, 2011 in L. Nandakumar Singh, Additional State Project Director, GoM in show cause notice order suah khum hi. Order in a taklat danin, order suah ni, September 9 himahleh, a concern Head of school in a muh ni a pan ni 3 sung a hilhchetna a bawl kei leh, a loh te uh hen taang sak dign chi in taaklang a, ban ah, SMDC a chairman leh secretary te loh tanpha leng heen tang sak ding ahihdan takalng ngal hi.

----------------------------------------------------------------------------

India gam pumpi in kum teng a a zat uh, Father of the Nation, MK Gandhi pianchampha, October 2, tukum in leng mun chih a zat ding chih himahleh, Pathianni ahihna ah, zat theih louh in om hi. Hiai toh kisai in Joseph Lalrothang, ZEO/Churachandpur in a ma nuai a sem staff te kiang ah zat louh ding ngaihngam huai lou chih na ziak in October 3, 2011 in a mau office mun ah zang in a campus te uh hahsiang na nei ding ua, huai a ding a office staff kua peuh in, a van zat ding te uh tawi chiat ding in theihsak na leng bawl ngal hi.

Comments (0)

Write comment

You must be logged in to post a comment. Please register if you do not have an account yet.

< Prev		Next >