ZogamOnline

The 2nd Zomi Nam Ni Football Tournament closing ceremony zingchiang sunma dak 11:00 in Lamka Public Ground ah om ding hi. Hiai hun ah Thangkhosei Haokip, Kuki Inpi Manipur, President leh Th. Sangkhuma, President Mizo Peoples Convention, Manipur in Chief Guest leh Chief Host a pang in final kimawlna uap ding uhi.

The 2nd Zomi Nam Ni Football Tournament ah Lamka leh a sehvel mun tuamtuam apan club 16 kihel ua, Sports Club of Leatherite leh Mualveng Youth Club (Hiangtam) tegel paisuak in final lut uhi. Sports Club of Leatherite ahihleh Brother of Soccer Club, New Lamka YC leh Songpi Area SA toh Pool A ah omkhawm ua, 7 points laisuah in quarter final lut uhi. Quarter final ah Pool D apan Molnom YC maituah in 1-0 a zou in semi final lut uhi.Semi-final ah defending champion Zomi FC kibeihpih ua, huai ah 4-1 a vualzou in final lut uhi.

Mualveng YC (H) leuleu ahih leh Mualvaiphei YC, Love United FC leh Molnom YC toh Pool D ah om khawm ua, point 5 laisuah in pool champion hihna toh quarter final lut uhi. Quarter final ah Pool A apan New Lamka YC maituah ua, 1-0 in vualzohna laisuah chenchen in semi-final lut uhi.Tamtak in hiai tan tung dia a lamet hetlouh uh Mualveng YC (H) in Semi-final ah Lamka SC maituah nawn ua, hiai match ah leng gintak khel a hamphatna ngah in full time tan ah 0-0 a akidraw pih nung un tue-break ah 4-3 vualzohna ngah in final lut uhi.

New Lamka Vengnuam  khawsung ah kua hiam in Mobile a mansak amu tu in theihsakna bawl in, huchi bang Phone mangsaktu in a hihdan diktak gen in tukha Feb, 2012  bei ma ngei a phone no. 8974182970 ah thujak ding  leh news a suahman pia in lakkik theih ding  hi.  hunchiam beinung in kuaman bangmah genthei lou ding hi.

Comments (0)

Write comment

You must be logged in to post a comment. Please register if you do not have an account yet.

< Prev		Next >