Lamka Post Editorial
- Details
-
Category: Lamka Post Editorial
-
Published on Thursday, 17 July 2008 10:26
-
Written by kawlva
Thupi: Huaite tuh phunhatte leh ngohhatte ahi ua, amau utna bangzel in a om ua, a kamte khong un leng ki-otsakna thu a gen gawpgawp a, punna deih manin mi a deih uhi. Juda 16
Mipi’n sorkar thuneihkhum sawm khengval
Siamsinna toh kisai in Manipur apat lehkhasiamtaktak piangkhe mahleh a tangpi thu a gen in Manipur ah siamsinna dinmun hoih hetlou hi. Tuma deuh zek in 2007-09 academic session sung a University Grants Commission’ norms dungzui a student enrolment tawm mahmahna college-te affiliation cancel-sak di’n Manipur University in panlak kipan hi. UGC norms dungzui in degree college in a tawmtawp a student 250 a neih ding hi a, numeite college in ahihleh a tawmtawp a student 150 a neih ding chih ahi. Huai banah, backward/rural/border area a college omte’n leng a tawmtawp a student 100 bek a neih ding uh chih ahi. Hiai UGC norms dungzui in govt. college 8, NG College, Ideal Girls College, MB College, CI College, Nambol L Sanoi College, YK College, Kha-Manipur College leh Hill College, Tadubi banah private college 12, Kumbi College, TS Paul Manipur Women’s College, Western College, Shree Shree Gourogovind Girls’ College, Kamakhya Pemton College, Canchipur College, Yairipok Universal College, Rayburn College, Kakching College, Pole Star College, Ching-Tam College leh Pamyal Art & Science College chinglou uhi. Hiai college te’n 2008-09 academic session a dia student enrolement a muhdan uapat a maban ding uh ngaihsut hiding a, huai ding in college admission last date July 25 zoh ahihnung July 31 a meeting neikhawm di’n Principal Secretary, Higher Education, P. Saratchandra in hiai college principal-te theisak hi. Manipur khotang bouruak hoihlouh ziak leh ‘khopi mah’ chih ziak in degree course sin thei ding dinmun a om student-te lak a a hithei liai teng in Manipur pawtsan ahihna uah college-te a di’n student ngah haksa ding mah ahi. Khotang bouruak hoih hilehleng college hoihlou deuhte a dia bel student ngah ding thubaih hilou ding ahihna ah MU panlakna pen tua a paisuakkei a lehleng khatveitei aloutheilou hong hiding hi.
Hiai bang kawmkal ah, Education Department in zanlam in school 171-te kiang a grant-in-aid piak tawpsan di’n thupukna hon bawl hi. Hiai bang thupukna a hong pian ziak ahihleh college-te mah bang a hiai school 171 te’n naupang a ngahlouh ziak uh hideuh hi. Edn Deptt’ thupukna pen Lok Janshakti Party in etthak a deih thu uh LJP Vice President in zan in thusuah bawl a, semtu teacher-te maban ding govt. in bangmah khuallou mah bang a thutanna a neih pen thil dik hilou ding hidan in leh school managing committee-te toh bek genkhawm masak a deih thu uh taklang hi. Huai banah, KSO in leng Edn Deptt’ thupukna naktak in kalh a, school 171 kiang a grant-in-aid piak nawnlouh ziak a Edn Deptt’ in kum khat a Rs.25 crore a metloh ding teng school dang puahna dia Edn Deptt in zat a sawm tungtang leng private school omlouhna singtang a khosakna haksataktak naupangte siamsinna muhsaklouh sawmna hidia a muanmoh thu uh leh hiai sumte Minister leh officer-te sakhau a lutzaw dia a muanmoh thu uh suah uhi. Huai kia hilou in, hiai thupukna ni 3 sung a sorkar in a zukkikkei a leh a ngaihdan uh kibatpih pawl dangdang toh kiphinna pan ding uh hi’n KSO in sorkar vau hi. Singtang khong a om grant-in-aid school te’n naupang a ngahlouh ding uh bel theihsa, a sinsaktu dingte leng a tamzaw tham a sepna mun ua a om kinken uh gintakhuailou hi. Hiai bang dinmun ah bel school ginaloute tung a sum a ‘thawn’ a sen sang a panpihna piak tawpsan ding mah hileh kilawm hi. Himahleh, hiai bang a sorkar thupukna in bang ziak a kalhtu nei sese hiding hiam? A sepna uh buai ding dinmun a om sinsaktu khenkhatte tawsawn lel ahi diam? Huchi ahihlouhtawp a lehleng, sorkar panlakna peuhpeuh kalh dia ngaihsutna mipi’n nei mah bang hi. Sorkar’ thupukna ‘kalh’ i chih leng a thumal a nem hizomahlai hi. “Na huchih ngeingei leh…! Na huchihkei ngeingei leh…!” chidan a chih gaihgaih a sorkar thuneihkhum sawm gige zezen leng hoihpenlou ding hi.
This email address is being protected from spambots. You need JavaScript enabled to view it.
Please login to comment or register here
Photo GalleryPhoto Gallery
Videos
MusicListen MP3 here!!
Log inLogin at ZOL Mail
Request ZOL MailFree upto 5GB! Hurry!!
ZOL MailSignup for free email
Around 2005 when there were not too many Zomi websites the number of Zomi accessing the Net increased rapidly due to, besides others, two main reasons - those from Myanmar go abroad in large scale...