KHUAL A VAN KIKHAK LEH KIPUAKSAK TUNGTANG
Khanloh dan khat i neih ziak uh leh i khotang un a hon zillouh ziak in a lehlamtak ah Lamka a singtangmite’n kum tamsim paita apat khantouhna nasatak i nei uhi. Siamsinna toh kisai in Patkai, Shillong, Delhi, Pune, Mumbai, Bangalore, Chennai, Hyderabad, Kolkata leh India a khopi teng phial ah i kithehzak uhi. Siamsinte banah sepna nei tamtakte India khopi tuamtuam ah inntum suang in i khosa tiltel uhi. Tuchiang in zilna sunzom hinawnlou, sorkar a sepna zong ding kia a khopi a om leh septheihtheih sep sawm a om kitam mahmahta hi. Khopi a om chih ziak in i bul-le-bal toh kizopna neilou a khosathei kuamah ki-om tuanlou ahihman in i chiindan tamtakte khopi a i om nung un leng i paihthei tuankei uhi. I mi-le-sa tawmna a i om chiang un innlam ngaihnatna hong lian mahmah a, huai dungzui in ‘innlam’ toh kisai khakna nei himhim, lawmte leh tanau-lainate apat lehkhathon bang, singtang meh chituamtuam (inn a omlai a sungte’n a huan chiang ua leng kiphinpih thei khop a duh ngeilouhte tanpha duhta/ngainata) bang khual a omte’n kipahpih mahmah in i kithukhak sek uhi.
Van kikhak kichi kitheihsiamna a pai ahihman in a khaktute leh a pawttute lungsim ah kinga petmah hi. A khentte’n mi van a khak dek chiang un amau leng a puakpeihlouh/utlouh ding uh hinapi mi pawsak mawk uhi. A puak man piak ding chih gentaklouh van lian leh gik deuhte bang coolie lakna man ding leh auto/taxi lak man ding nangawn pelou uhi. Hiai bang mite van pawkhate’n tha-le-zung a sen banuah a sum uh sen behlap uhi. Mahni sum leng seng ngamlou hizenpi a kisuanlahna neihetlou a mi tha-le-zung banah a sum uh sengsak ngam pawl sang a leng uangzaw bang, Zogam Thuthang dungzui in ana omtheilai hi. “Inlam pan Delhi pai van pawpa’n midang van toh amah a sumang kha zen2. Van khaktu’n kisuanglahloutak in sum liausak. Hichiding mah adiam?” Hiai Zogam Thuthang thusuak pen theisaukei mahle, gap a ompa a di’n hehsakhuai mahmah hi. Kuamah mahni van hi’n mi puaksak hitaleh sukman ut omlou ding hi.
The Lamka Post Editorial | July, 18 2008
Na thugelh dik kasa mah ve. Hiai teng2 ban ah le, innlam a omte'n khopi dang a omte' kiang ah, hiai college/university/office ah form honna laksak in, hiai mun huai/huai mun ah huai honna hihsak in chi khawng peuh a kisawl ek2 sek maw hang a, a gamlat dan, kholum/khovot toh bus a pai ahaksat dan, ei gari mah2 a pai hilele a petrol bei a tai kihi sam lou, Ei omna Lamka toh kibang di khawng sa mawk2 uh, sawl theih omtah chih man a, paiman ding/sum sen ngaite a sen ding, kipiak chih le omse lou a ki sawl zial2 hang a, a hon sawlte lah va nial theih chile hikhol lou zomah...iki theih siam chiat uh poimoh mah2 ahi.
KHUAL A VAN KIKHAK LEH KIPUAKSAK TUNGTANG Tulaiin aman nei a van ki thot theihna ding a system a omta bok a, huai zat a hoih pen rual rual in, nam dangte toh i kilamdanna khat, kingaina, kideihnsak, phatuamngai,kiawlmoh, kiphawk mi i hihna latsakna a i cindan 'institution' khat ahihziakin, a van pote a dia noksak lou ding tan, a van khak tuten i theih kei maimah leh bel a po dingten "Ka Po Thei Kei Ding" i cih mai uh hoih zaw lou ding hia? A khonung a phun a, tancinbu khawng a suah sangin....
Who's Online
thang, system32, lammin, phunchiak, ghauzel, zwanmwat, Mtunglut, Lian ngaihte, chhurbuur, matei, tcngaihte,