ZogamOnline

Imphal, Feb. 15: Siamsinpawlpi Imphal Block saina nuai ah tuni in “One Day Workshop On The Paite Vernacular Subject” kichi workshop poimohtak neih zoh in om hi. Hiai program ah Imphal a SSPP Unit 5 omte apan siamsin naupangte leh nu-le-pate paikhawm uh a, Resource Persons chial a omte ban ah heutu khenkhatte’n Paite Laipau toh kisai theihtuak tampite genna nei uhi. Pu John K. Ngaihte, President, Paite Literature Society in laigelhdan toh kisai a PLS panlaknate leh tunung chiang a paidan hoihtak i neihte zuih ding ahihdan naktak in gen hi. Pu Dr. Tualchin Neihsial in pau leh laigelhdan apoimohna gen kawm in, minphuah leh mun min phuahdan in leng i minam genpha a, minam toh pau leh laigelhdan tungtawn a kipumkhat ding ahihdan gen hi. Pu Dr. Kamkhenthang in Paite pau kizang khial pahpahte leh kigelh khial pahpahte toh kisai gen a, laigelh ding peuhmah in ngaihsun vengveng kawm a literary value nei a gelh ding ahi chi hi. Program zoh kuan in kikupkhawmna hun saulou om a huai ah heutu bangzah hiamte’n lai gelhdan toh kisai Resource Personte kiang ah thukup leh dotnate dong ua, dawnna lungtunhuaitak ngah vek uhi. Ahitak a gen in, hiaibang workshop neih in om munleh pau leh laigelh a minam khang hat mahmah ding ahihdan muh theih in om hi.

Comments (4)

Write comment

You must be logged in to post a comment. Please register if you do not have an account yet.

< Prev		Next >