ZogamOnline

Mun tuam gam tuam a om u leh, nu leh pate, pi leh pute aw,

Zomi Christian Fellowship Delhi, Sovenir Committee (kum 30 cinna) min in mimal khat tek kong hopih hi. Pasian’ huhna tawh na sepna bawlnate ah lamzang to zel dingin hong lamen ing.

I pu I pate’ paunak om mah bangin, “Thu I cih la, la I cih thu,” cih pen tuni dongin dik toto lai dingin ngaihsun ing. Lai Siangtho sungah, “Leitung a a piang khempeuh zong thu lo tawh a piang omlo hi,” ci hi. Tua ahih manin, thu pen manpha mahmah hi cih phawk huai hi.

I nuntak sung a thupiang, I tuah khak thu khat peuh, gelhkhiat ahih kei leh, a theite leh tuabang a tuakkhate a om nawnloh ciang un mangthang mai hi. Thu leh la khatpeuh pen laibu ah a kigelh ciangin, mang nawnlo hi cih pen phawk ciat hang.

Tukum in ZCF, Delhi kum 30 cinna (Estd: 27 Feb, 1982) thu zong laibu in kiciamteh leh hoihlo ding hiam cih ngaihsutna tawh, Pawlpi upate in Sovenir bawl ding hong khensat uh hi (Executive Meeting Resolution No.4 dated 31.01.2012).

Tua ahih manin, nang zong, tangpi tangta’ phattuampih ding Article(thului) /testimony, lavui(poem), thucin thutang etc. hoih na sak bangbang hong puak dingin kong ngen hi. A hih theih leh na bio-data tomkim leh na Passportsize photo zong om thei lai leh maw.

A pian theih leh March 25, 2012 ma in a nuai a Email/Address ah nong puak theih ding kong lamen hi. Pasian in hong thukimpih leh May 13, 2012 (Mothers Day) ni a hawmkhiat theih dingin ki gel hi.

Sd/

Gin Sian Lian Pau
Editor, ZCF Sovenir 2012
Mobile No.9818538122

Email: This e-mail address is being protected from spambots. You need JavaScript enabled to view it

Address:   
20, Raksha Sampada Bhawan
Palam Airport Road
Delhi Cantt
New Delhi-10

Comments (0)

Write comment

You must be logged in to post a comment. Please register if you do not have an account yet.

< Prev		Next >