ZogamOnline

World Indigenous Day mang ding

Cultural Resurgence for Survival with reference to Indigenous Peoples and their Land ti thupi ah mang in August 9, 2011 zingkal dak 10:30 leh Synod Hall, IB road ah World Indigenous Day matna um ding ahia, zia hun achun Indigenous te rights, rights to culture leh land rights tawh kisia ah holimna um ding inle a kigen hi.

Zia kikhawpna achun Rev. Stephen Chinzathang in hun honna pauchap ding ahia, Siamzading Valte, Chairman, Executive Council, ZHRF in vaidawnna thug en ding ahi banah SK Ngaihte, Secretary, Indigenous People Rights, ZHRF in keynote address peding ahi. Zia zaw chuleh Pu Sangkhuma, President, Mizo People Convention, Manipur, Pu Thangsei, President, Kuki Inpi, Manipur, Pu Joseph D. Hmar, President, Hmar Inpui, Pu LB Sona, Chairman, Zomi Council, Pu Letpu Haokip, Chairman, COPTAM, Pu Langkhanpau Guite, Chairman, ADCC, Pu K. Guite, Social Activist te’n minute 8 sung thugenna nei ding ahiu a, Pu Lallianthang, Secretary, Finance, ZHRF in vote of thanks gen ding ahi. Zia zaw nitaklam dak 1:00 in Cultural Resurgence for Survival with reference to Indigenous Peoples and their Land ti thupi ah mang in open discussion um ding ahia, zia hun achun Moderator ah K Vungzamawi pang ding ahi.

Zia hun ah resource person ah Dr. Rosiem Pudaite, Sr. Lecturer, Churachandpur College leh Pu R. Sanga pang ding ahia, Panelist ah Pu T. Vunglallian, Retd. Lecturer, Pu Thangsei, President, Kuki Inpi, Manipur, Pu Joseph D. Hmar, President, Hmar Inpui, Pu Sangkhuma, President, Mizo People Convention, Manipur, Pu LB Sona, Chairman, Zomi Council, Pu Lalkhohao, President, CDSU, Pu Thangkam Lupheng, Secretary, COPTAM leh PU K. Guite, Social Activist te pang ding ahiu a, hunkhakna pauchap Pu Kap Banyan in nei ding ahi. Zia program sung achun lasathiam chuamchuam in lasakna nei ding ahiu a, Kuki Cultural Troup, M. Songgel te’n suklatna nei ding ahiu.

KSO in hilchian ding ah department phut

Kuki Students’ Organization, Churachandpur district in tuni thusua abawlna achun Churachandpur district ah electric supply gitnalo ziak leh kitup tak ah load shedding a umlo ziakin L. Semol khua ah thiltung doi umlo tak a tunga, zia chu Mr Jamkholen Khongsai Inn kang in a sung ah um a chate Rosica Hatchingthem (8) leh Wilson Hemsanglun (5) te unau chu kanglum hi’n a taklang hi.

Churachandpur district ah electric supply tawh kisai chu student te a ding ah buaina leh haksatna tuntu ahia, zia ziak achun student community te khualna ziak ah KSO um mai mailo ding ahi dan uhle a taklang ui. Zia thiltung tawh kisai ah Electricity department in thiltung tawh kisai hilchian ding in a phut ua, chuleh government inle zia thiltung ah thina tuak Innkuante chu compensate ding in dawtna abalw bawk ua, zia gual dawtna dawnhuna a umlo leh KSO in kiphinna nasatak pan ding ahia, thisia tung a um leh government in a maw a puak ding ahi ti’n a taklang hi. Chun, KSO Henglep Sub-division in executive meeting ah thupukna abwl dungzui in Mr V. Seikam Haokip chu Secretary General ding in reshuffle a bawl ui.

Minister in govt rate ah har bag 500 hawm

Power Minister Phungzathang Tonsing in tuzingkal in a chenna Inn, New Lamka lei hoina (Har) government subsidy rate in bag 500 a hawm a, lou bawlmi tamtak kipak ma ma hi’n a kigen hi. Zia tawh kisai Minister in a genna achun ama mawpuakna lam hilo maleh Churachandpur le phaijang gam ahi ziak ah ngai poimaw in loubawl mite a ding ah a phachuam ngei ding ti ah pan a lak hi’n a gen hi.

Constituency level convention on HIV/AIDS

Lamka, Aug 2: Churachandpur assembly constituency a ding ah one day constituency level convention on HIV/AIDS kiti tuni’n Synod Hall, IB road ah a um a, zia chun Power/Hort & SC/Sc & Technology Minister Phungzathang Tonsing khuallian in a pang hi. Chun, functional president leh guest of honour ah Langkhanpau Guite leh Dr. I Ibohalbi Singh, MLA & Secretary, MLFA a pang ua, mipi tamtak in a uap ui.

IMPHAL

Bomb puak mawchanna ah AMSU in general strike puang

Sangakpham bazaar ah zani bomb puak tawh kisai ah mawchanna’n All Manipur Students’ Union (AMSU) in August 3, 2011 zingkal dak 5:00 apat nitaklam dak5:00 kikal dakkal 12 sung Manipur pumpi huap in general strike a puang ui.

Zia thu chu All Manipur Students’ Union HQ ah thuthak lakhawmte tawh a kimunau ah AMSU President Thokchom Suresh in a puan ahia, zia hun ah a genna achun general strike in Press, Media, Ambulance, Fire Service, Water supply leh religious toh kisaite huaplo ding in a gen hi. Chun, I gam ah zia gual huham tak ah gamtatna hi a um taklona ding ah zia general strike chu kithuapi ding in chialna abawl a, zia ban achun general strike kal ah gamtate chung ah thiltung a um leh amau in a maw a kipuak ding uh hi’nle a gen hi.

Chun, zia bomb puak mawchanna achun tuni’n Sangakpham mipi tamtak in sit in protest a nei ua, zia chun Y. Irabot, Minister Commerce & Industries, MPP President Dr. Nimaichand Luwang leh Civil organization chuamchuam banah student tamtak le a pang ui.

Escort tawh tai truck 3 Suang ah sep, truck in numei 2 phulum

National Highway ah economic blockade um zinglai ah bangma ah ngailo ah tai tei tei truck 3 chu blockade volunteer ding ah ginchak te’n Suang in a sep siau ti thu hiat hia, zia ban achun Oil Tanker khat le hal ah um hi’n a kigen hi.

Thusuak in a gendan achun tuninitaklam dak 2:30 vel ah Sapermaina Police station huapsung Kangpokpi leh Charhazar kikal Kanglatongbi area ah blockade supporter hiding ah ginchak te’n Dimapur lam apat hung kipan truck 3 chu suang in ala sep ua, zia phat achun driver te’n a gari uh control thei talo in truck 3 te chu tuasiat tuak hi un a kigen hi. Zia ban achun zia gual thil tunlai ah Truck khat chu Suang ah kisena apat suachak ding a guatna lam ah lampam ah chia numei 2 le a gawtlum a, zia truck te chu escort toh tai himaleu mi tamtak in suang ah ala se ziak ua pang zoulo ah zia gual thil chu tuak hi un a kigen hi.

Election Commission team in Manipur pha ding

Manipur assembly election ding toh kisai ah review visit dan ah Election Commission of India apat full team Dr. SY. Quraishi, Chief Election Commissioner, VS. Sampath, Election Commissioner, HS. Brahma, Election Commissioner ban ah Deputy Election Commissioner JP. Prakash leh Dr. Alok Shukia te’n August 5 & 6, 2011 leh Manipur hung pha ding hi un Chief Election Officer, Manipur in tuni thusua a bawlna achun a taklang hi.

Zia thusuak in a taklat dan achun Election Commission of India teamte chu August 5, 2011 zingkal dak 10:35 leh AI 889 lenna in Imphal hungtung ding ahiu a, sun nung dak 3:00 – 4.30 kikal ah Secretariat Main Conference Hall ah Political parties te toh meeting nei ding ahiu. Chun, August 6, 2011 zingkal dak 10:30 – 1pm kikal ah District Election Officers/DCs te toh Secretariat Main Conference Hall ah review meeting nei kit ding ahiu a, sunnung dak 3:00 in Chief Secretary/DGP/Home Secretary toh kimu kit ding ahiu.

Zia zaw nitak dak 3:30 leh Press Conference nei ding ahiu a, nitaklam dak 5:00 leh AI 890 lenna mang in Delhi zuan kit ding ahiu. Election Commission of India teamte chu State Guest dan ah Manipur government in zintun ding ahia, Chief Election Commissioner leh Election Commissioner 2 te chu Raj Bhavan ah tung ding ahiu a, Dy Election Commissioner te chu Hotel Classic ah tung ding ahiu.

Comments (2)

Write comment

You must be logged in to post a comment. Please register if you do not have an account yet.

< Prev		Next >