ZogamOnline

CDSU guanggalna first spot Essay competition

Lamka, Aug. 5: Churachandpur District Student Union in first spot Essay competition kiti Technowlogiz Advisory Service (TAS) Pvt. Ltd., Guwahati apat sponsor na’n tuni’n Churachandpur College ah a nei ua, zia competition chu category 2 ah kikhen in Category A ah Class V-VIII ahiu a, Category B ah Class IX – XII ahiu.

Zia competition ah topic ding chu a mun ah piakkawm ahiu a, category ah thiam pen ah teldaw ah umte chun kipakman ah Rs. 10,000 piak hiding ahiu. Zia kipakman chu September 5, 2011 leh piakdawna um ding ahia, zia competition chu district sung ah quality education um theina ding ah student te motivate na ding ah guanggal hi’nle a kigen hi. Zia gual ah quality education um theina ding ah panlakna chuamchuam chu maban ale bawl nalai ding un CDSU thusuak chun a taklang bawk hi.

Zia competition achun category A & B kigawm ah student 400 val a pang ua, ADCC Chairman Langkhanpau Guite inle vethakna anei hi. Zia Essay competition answer paper chu Delhi University nuai ah lecturer te’n a check ding uh ahia, zia ding achun Delhi ah thawt hiding inle a kigen hi.

CEC team in tuni’n Imphal mi chuamchuam kimupi

Manipur ah kum 2012 ah assembly election um ding tawh kisai ah review visit dan in ah Election Commission of India te chu chuni’n Imphal a hungphau a, nitaklam in Delhi a zuankit ui. Thusuak in a gendan achun zia team achun Dr. SY. Quraishi, Chief Election Commissioner, VS. Sampath, Election Commissioner, H.S. Brahma, Election Commissioner ban ah Deputy Election Commissioner JP. Prakash leh Dr. Alok Shukia te ahiu a, amau chu zingkal dak 10:35 in AI 889 in Imphal Airport a hungtung ua, zia zaw achun Secretariat Main Conference Hall ah Political parties te leh District Election

Officers/DCs te toh meeting a nei ui. Zia bana chun Chief Secretary/DGP/Home Secretary te toh le holimna a nei ua, zia zaw nitaklam dak 3:30 in Press Conference nei  ua, nitaklam dak 5:00 in AI 890 mang in Delhi a zuan kit ui. Election Commissioner team in tuni thuthak lakhawmte toh a kimunau achun Dr. SY. Quraishi, Chief Election Commissioner in National political parties 6 leh State political party khat toh a kimunau achun Manipur ah election chu hun chiasa ah sum leh muscle power ahi ziakin free and fair hilo ahi dan a gen ua, maban ah election ding ahin Central Para Military force a tamthei pen mat a doi thu a gen hi. Zia ban achun polling le nikhat ah nei oha a sak thu uh

political party khenkhat in a doithu uh taklang uh hi’n Chief Election Commissioner chun a gen hi. Zia ban achun EPIC hawmdaw dan le lungtun um a saklo thu a gen a, tuni Political party chuamchuam te’n a ngaidan uh agennau achun Chief Election Commissioner team in information a lakkhawm ua, ziate chu Delhi ah a ngaitua ding uh hi’nle Chief Election Commissioner chun a gen hi. Chun, District Election Officer/DCs te tawh a kimunau achun election process zosia kintak ah a zaw ua, EPIC 100% zaw ahina ding ah panla ding ah hiatsakna bawl hi unle Chief Election Commissioner chun a gen hi.

CM in a Sonia damthian a doisak thu taklang

Chief Minister O. Ibobi Singh in UPA Chairperson leh AICC President Smt. Sonia Gandhi chu a damlona apat a damthian vak a doisak thu tuni’n Secretary to CM thusuak chun a taklang hi. Zia thusuak in a taklat dan achun Smt. Gandhi damtheina toh kisai ah United States ah Surgical treatment a bawl chu CM in a ngaikhawk ma ma a, Surgery lawting tak ah zaw ahi tawh kiton in a damthian kin a, a damsawt le dawisak ma ma ahi dan CM in in a dawisak thu a sauna achun a taklang hi.

Har ah haksatna solve hipai tading

Manipur ah chuktui luan hi lou nasemte a ding ah nasep hun ahi tawh kiton in tulai in leihoina (Har) ah taksapna liantak um maleh sukbei hita ding in Agriculture Department ah Nodal Officer (Fertilizer) in tuni’n thusua abawlna achun a gen hi.

Thusuak in a taklat dan achun Namrup factory apat Mukta Urea Truck load 71 leh Jiribam lampi haw ah IFFCO apat Urea Truck load 15 Manipur a ding puak ahia, ziate chu bandh um ziak ah tangkha hi’n a kigen hi. Zia Har chu a hungtun phat leh Sanjenthong ah Agriculture department ah Fertilizer Monitoring Committee pansan ah Government in a bikhiak dan ah Har te chu zawk hiding inle a gen hi. Government in a bikhiak Har man ding chu Mukta Urea Rs 520/- per bag chu government in subsidy ah Rs 100 per bag ah panpi in Rs 420/- ah lou nasemte kiang ah zawk hiding ahi. Chun, IFFCO Urea Rs 480 per bag chu government in subsidy Rs 100/- per bag peding ahia, lou nasemte kiang ah Rs 380/- ah zawk hiding ahi.

Comments (1)

Write comment

You must be logged in to post a comment. Please register if you do not have an account yet.

< Prev		Next >