ZogamOnline

VPC President Gall bladder Keyhole Surgery

Lamka, Aug. 24: Vaiphei Peoples Council, General Headquarters President Pu Khatkhotong Baite chu Raj Policlinic, Imphal ah Gallbladder Keyhole Surgery tuzingkal dak 11:00 ah bawl in a um a, lawting tak ah zaw in a um hi. President Khatkhotong Baite chu tuhin hospital ah etkol in a um nalai a, Vaiphei mipi te’n a damdaw kal a ngakla ma ma ui.

Nimchip ziak ah gari taitua theilo

Lamka, Aug. 24: Tulai ah Churachandpur district ah gua nasatak a zuk ziakin National Highway 150 Tipaimukh road ah nimchim bangzat hem a um ziakin tuni’n gari tamtak taitua theilo in a um a, thu kihiat dan achun zia nimchim chu Lamka police station apat kilometer 20 vel ah gamla Khotuh khaw kiang ale a um a, zia ban achun mun bangzat ahem ah um nalai ahi ziakin zia lampi ah tuni’n gari taitua theilo ah um hi’n a kigen hi.

Case 8 lak ah 4 in Ex-gratia muthei ding

Lamka, Aug. 24: Deputy Commissioner, Churachandpur Ms Jacintha Lazarus, IASmalatna’n tunitak dak 2:00 in BRGF Resource Centre, DC office building ah Ex-gratia tawh kisai ah District Level Screening-cum- Coordination Committee meeting a um a, zia hun ah case 8 a genkhawmnau lak ah case 4 chu ex-gratia muthei ding in thupukna abawl ui.

Zia kawmkal achun Ms Mannuamching, ED/DRDA malatna’n ama office chamber ah tusun dak 12:30 ah BDO te tawh meeting anei ua, zia chun MGNREGS 2011-12 tawh kisai a genkhawm ui. Zia hun achun MGNREGS nasepna BDO te’n inspection a bawl zing ding uh leh bialtu MDC te tawh MGNREGS 2012-13 Annual Plan bawl a, September 2011 tiang ah piaklut ding in a thupuk ui.

TCSA in General Conference mang ding

Lamka, Aug. 24: Tedim Chin Students Association (TCSA) HQ in August 30 & 31, 2011 leh Tedim Chin Cultural Club Hall, Lanva ah 55 veina General Conference nei ding ahiu a, August 30, 2011 nitak dak 6:00 leh Langkhanpau Guite, Chairman ADC khuallian ah pang ding ahi.

Chun, functional president leh guest of honour ah H. Mangchinkhup, EM, ADC leh M. Gouzamang Guite, EM, ADC pang ding ahiu. Chun, August 31, 2011 zingkal dak 10:00 leh Power Minister Phungzathang Tonsing khuallian ah pang ding ahia, functional president leh guest of honour ah Kamsuanlun, EM/ADC leh Genneikhup, EM/ADC pang ding ahiu. Zia zaw nitak dak 6:00 ah chief guest in Ginsuanhau, President UZO Gen.HQ pang ding ahia, functional president leh guest of honour ah Kai Khan Mang, President TCU HQ leh P. Sianzadong, Chairman Finance Committee, ADC pang ding ahiu.

Imphal

Physical Efficiency Test hun bikhiak thak

Imphal, Aug. 24: Manipur Police Department nuai ah Sub-Inspector (Radio Technician) direct recruitment ding toh kisai ah Physical Efficiency Test (PET) nei hun ding bikhiakthak hi’n Chairman, DPC for selection of Sub-Inspector (Radio Technician) and IGP(Admn) thusuak chun a taklang hi. Zia thusuak in a taklat dan achun Physical Efficiency Test chu zingkal dak 8:00 sin leh Khuman Lampak Main Stadium ah kipan ding ahia, zia chu August 27, 2011 leh Ukhrul, Chandel, Tamenglong, Churachandpur leh Senapati Districts te hiding ahia, August 28 leh Imphal West, August 29, 2011 leh Bishnupur leh Imphal East, Jiribam Sub-Division pang in August 30 leh Thoubal district hiding ahi.

Assembly 11th session kipan, Obituary hun mang

Imphal, Aug. 24: Ninth Manipur Legislative Assembly 11th session tuzingkal dak 11:00 in a kipan a, himaleh zingkal lam in sitting bep a um a, zia chun obituary zaw in business dang umlo ah chawlsak in a um hi.

Tuni a obituary reference hun chu Speaker I. Hemochandra in a mapui a, zia chun famta Moirangthem Meghachandra Singh, former member, Second Manipur Legislative Assembly from Uripok Constituency, Haukholal Thangjom, former member of Second Manipur Legislative Assembly from Churachandpur (ST) Constituency leh Elangbam Suraj Singh, former member of Ninth Manipur Legislative Assembly from Yaiskul Assembly constituency te suunna in Inpi ah member zosia’n minute 2 sung hun a mang ua, zia hun achun leader of the house Chief Minister O. Ibobi Singh, opposition leader Radhabinod Koijam ban ah MLA chuamchuam O. Joy, V. Hangkhanlian, N. Mangi, Dr. Ratan, Helaluddin, Mangibabu, Dy Speaker leh Speaker I. Hemochandra te’n ala thita MLA te damlai ah a nasep utoh kisai leh pakchat um a sakna teu genlatna le a nei ui.

Comments (0)

Write comment

You must be logged in to post a comment. Please register if you do not have an account yet.

Next >