You are here: HomeNewsEntertainmentHarryb Style a ding in ‘style king’ award piakkhiak in om

Harryb Style a ding in ‘style king’ award piakkhiak in om

Written by  Published inEntertainment Tuesday, 12 November 2013 15:57
Harryb Style a ding in ‘style king’ award piakkhiak in om

Netherlands, Amster­dam ah zanitak in MTV Europe Music Awards hawmkhiakna om a, One Direction singer Harry Styles a dia Best Look award piakkhiak a om a hihdan thusuak in tak­lang hi.

 

Tuailai melhoih leh ki­cheidan siamtak, Harry in Justin Timberlake, Lady Gaga, Rihanna leh Rita Ora chihte baihlam­tak in taikan zou hi. Style banah star leh singer dang khenkhat in leng Laura Whitmore leh Ellie Goulding chihte khut a kipan pahtawina award sang uhi.

 

Kum 20 lel a upa, Style a hihleh hiai hun zatlaitak in a band mem­ber-te toh mundang a buaina tuam a neih ziak un va kilang theilou a, himahleh amah award ding hoihtak a kepbit sak a, a lemtang hunhun a piakkhiak hiding a hihdan pre-show host, Louise Roe in gen hi.

 

Midangte mitmuh a style icon thupitak khat bang in kikoih kei mahleh Harry bel kha bangzahhiam paisa a kipan kicheidan lam ah mite mitmuh in style icon hoihtak khat ana hi khinta a, tua ziak a MTV a kipan hichibang award masapen piak a om in ‘style King’ chih minvuah in om hi.

 

Style in hunpaisa a Glamour magazine toh houlim hun a, ana genna ah, T-shirt maimai silh a khosak nuamsa a hihdan leh amah leng etlawm kisazaw a hihdan ana gen hi, hiai a gen nung ni nih lel paipan in fans tamtakte’n T-Shirt silh khe pah sesouh uhi. Style in hichibang tuk a midan­gte influence zou a hihdan leng thusuak in taklang hi.(Contactmusic)

Read 2461 times
Login to post comments