You are here: HomeNewsEntertainmentFast & Furious actor Walker mualliam

Fast & Furious actor Walker mualliam

Written by  Published inEntertainment Monday, 02 December 2013 17:13
Fast & Furious actor Walker mualliam

Hollywood movie mint­hang mahmah "Fast & Furious" film a lead role play-tu Paul Walker, Los Angeles mallam a car tuahsia a si a hihdan tuni thusuak in taklang hi.

 

Thusuak in a taklat dan in, Pathianni nitaklam in Reach Out Worldwide organization vaisaina a charity event uap ding in a lawmpa car in kuan ua, Valencia community a tun un electric post leh sing­kung phukha a, tuanung in a car leng kuangzak ngal a, amah tel in mi 2 in sihloh uh a hihdan Los Angeles County Sheriff's department a kipan thu­suak in taklang hi.

 

Walker in a hihleh ma­ban a khahkhiak pah theih dia bawl a om "Fast & Fu­rious 7" ah leng lead role play a, hiai movie sohsiang hikei mahleh a sihna ziak in maban ah movie stuzom ahi diam chih theih haksa mahmah lai hi. Tuabanah, a movie zohthak liklek, "Hours," leng December khasung a khahkhiak dia bikhiahsa a om a hihdan thusuak in taklang hi.

 

Los Angeles County Sheriff's department a kipan thusuak in a taklat zelna ah, officer-te’n hich­ibang tuahsiatna thiltung a theih phet un delhpah mahle uh meikuang in car ana pumtuam man a, a sung a tuang kum 40 a upa Walker leh a lawm leng ana si khinta uh chi hi.

 

Walker in a hihleh tanu kum 15 a upa nei a, 'Fast & Furious' film series-te tungtawn in khovel pumpi ah minthanna thupitak ana ngah khinta hi. Hiai movie-te a 6na tan khah­khiak himahleh tukum September kha a, a pat Fast and Furious 7 bel laklohtak in om hi.

 

Paul in a career a zatna, Universal Pic­tures a kipan thusuak in a taklatna ah, ''Paul in Universal Pictures studio ah kum 14 bang hun ana zang khinta a, hiai hun­sung in studio member dang tengteng sang in a nasep ah ginom in polh nuam petmah a, tuni a, a sihna pen studio a ding kia hilou in khovel pumpi a, a film bawl ngainatute a dia manna thupitak ahih manin a nutsiat a innkuan leh a ngainat­ute tengteng tung ah ka suunpihthu uh ka taklang uh chi hi. (Contactmusic)

Read 826 times
Login to post comments