You are here: HomeNewsSports NewsTukum World Cup Group-te Dinmun

Tukum World Cup Group-te Dinmun

Written by  Published inSports News Tuesday, 10 June 2014 10:01

~By: Khampi

 

Tukum in zong World Cup a kidem ding gam tuamtuam pan teamte group 8 ah kikhen hi. Group A pan H in kikhen a, group khat ah gam li (4) kidem ding uhi.

 

Group A. Brazil, Croatia, Mexico, Cameroon.

Group A pen Group khem peuh lak pan a hamsa pawl hi ding in uphuai hi. Group pan a kahto ding in bel inteek Brazilte mah kah hamtang ding a, adang  khat kahto ding in gam thum(3) omlai teng hong ki nak dem mahmah ding uh ahihman a et kithalawp huai ding hi.

Group A pan puai masa pen Brazil vs Croatia 13/6/2014 4:00am Malaysia Hun
Stadium - Arena Corinthians.

 

Group B. Spain, Netherlands, Chile, Australia.

Group B pen group teng lak ah a baih lam ding in ka tuat lel hi. Ahizong a baihlam pen ahi sam kei hi. Spain leh Netherlands kah in ka ummawh hi. Hih tegel pen 2010 lai final ah ki mu kha uh a 116 minute dong ki sual khop ngekngek uh a, Iniesta khup goal khat bekbek tawh Spain in a zo ahi hi.

Group B puai masa pen Spain vs Netherlands 14/6/2014 3:00am Malaysia hun

Stadium - Arena Fonte Nova

 

Group C. Colombia, Greece, Cote D'Ivoice, Japan.

Group C pen group teng lak ah a hamsa nihna ding dan in ka tuat hi. Gam minthang lua Champion zo ding a om loh hang in a mau teng a kikim pian vive ahihman in ki sual khop mahmah lel kha ding uh hi. Colombia leh Japante ka in ka um hi.

 

Group C puai masa pen Colombia vs Greece 15/6/2014 12:00am Malaysia hun

Stadium - Estadio Mineirao

 

Group D. Uruguay, Costa Rica, England, Italay.

Group D pen group khem peuh lak ah a hamsa pen ding in ka um hi. Football toh kisai a gam minthang vive leh Champion ciang a hanciam zo ding vive ahi hi.  Uruguay leh Italy kahto in ka um hi .

 

Group D puai masa pen Uruguay vs Costa Rica 15/5/2014 3:00am Malaysia hun

Stadium - Estadio Castelao

 

Group E. Switzerland, Ecuador, France, Honduras.

Group E zong group lak ah a baih lam in ka ummawh hi. France leh Ecuador kahto in ka ummawh hi.

 

Group E puai masa pen Switzerland vs Ecuador 16/6/2014 12:00am Malaysia hun

Stadium - Nacional

 

Group F. Argentina, Bosnia, Iran, Nigeria.

Group F pen group teng lak ah a baih pen ding in ka um hi. Champion ciang bang lam-etna a nei Leo Messi makaih na tawh Argentina te hong kahto ham tang ding a, adang 3 teng in a kahto ding mun khat hong ki tuh ziahziah ding in ka lam en hi.

 

Group F pan puai masa pen Argentina vs Bosnia 16/6/2014 6:00am Malaysia hun

Stadium - Estadio Do Maracana

 

Group G. Germany, Portugal, Ghana, USA.

Group G zong pen group lak ah a baih nihna ding in ka um hi. Germany leh Portugal hong kahto zo ding in ka lam en hi.

 

Group G puai masa pen Germany vs Portugal 17/6/2014 12:00am Malaysia hun

Stadium - Arena Fonte Nova.

 

Group H. Belgium, Algeria, Russia, Korea Republic.

Group H pen a baih lam ding a bat hang in baih khawllo in ka up khat ahi hi. Korea Republic te zong a beisa hun in a khauh pai mahmah pawl ahi hi. Belgium, Russia leh Korea tua teng thum lak ah nih kah ham tang ding in ka um hi.

 

Group H pan puai masa pen Belgium vs Algeria 18/6/2014 12:00am Malaysia hun

Stadium - Estadio Mineirao

 

Read 820 times Last modified on Tuesday, 10 June 2014 10:06
Login to post comments