You are here: HomeNewsSports NewsTutung WC Brazil mipi ngaihdan

Tutung WC Brazil mipi ngaihdan

Written by  Khampi Published inSports News Thursday, 12 June 2014 02:28

~By: Khampi, Malaysia

 

Brazil gam mipite in World Cup a gam vua kimawl ding thukim pih lo in lungphona nei den mah tase leh Brazil in Champion ngah ding hi cih mee(vote) pia veve uhi. Tukum world cup pen inntek mipi in thukim pih hetlo in nisim phial mah in lungphona nei den uh hi. A hang pen Brazil kumpi in World Cup a ding sum billion tan tampi pia khia ahihman ahi hi. Mipite in hih World Cup ah sum tua zahzah bei sak sang in pilna lam leh cidamna a kipan mi cimawh gentheite huhna in nei zaw leng cih deihna tawh ahi hi.

 

World Cup om a kipan in tu kum a kumpite piak pen a tam penpen hi ci uh hi. Tua bek thamlo in zanni diak in zong khua sung vahsuk vahtohna leh van puakna a kizang pi ahi meileng nasemte in na semlo in lungphona nei uh hi. Tua bang hi napi in Datafolha ki ci kipawlnate in tukum kua in champion ngah ding hiam cih mipite lungsim lakna nei in a upmawh huai zolo zah dong ding in mipi 68% in Brazil me(vote) pia in 5% Germany, tulai tak a Champion Spain leh Argentina in 3% cih dan in mee pia uh hi. Champion a ngah nunug uh a hi 2002 lai sang in mee pia 17% bang in tam zaw hi.

 

KIMAWL MASA

 


 

World Cup kimawl masa pen Brazil vs Croatia upmawhna tawm hong at kik nuam ing. Ih theihsa mah bang in Team 32 ki mawl ding a puai (match) 64 vei ki mawl ding ahi hi. Tua teng lak ah puai masa pen ahi Brazil leh Croatia puai tawm kong gen nuam hi. Inntek Brazil in a puai masa khempeuh uh pen a kidempihte sang siam zaw in hoih zaw mah tase leh goal tam pipi tawh zozo lo in goal 1 ta khawng bek tawh zo kiaukiau hi.

 

1978 nung siah World Cup 8vei a om khin sung ah Brazil ten a puai masa khem peuh uh zo mah tase leh 1994 kum a Russia te 2-0 a ah zawhloh siah a dang puai 7 te goal khat ta bek in zozo hi. Croatia te pen 1993 kim pawl pan in hong khang to pan himah taleh 1998 kum World Cup ciang in a upmawh huailo zah dong ding in hong hat mahmah a, a thumna hong ngah hi. 2010 lai in World Cup hong lut zolo himah tase leh tulaitak a ki mawlte Modric, Rakitic, Srna, Olic, Mandzukic cihte a kipan mi minthang tampi om uh hi.

 

Tua ahih man in Brazil ten inntual ah mipite a lungkim sak zawh nang a hanciam mahmah uh hong kul kha ding hi. Brazil ten maitai thupi sak ding uh a Croatia in nungdal thupi sak in Behind the ball tawh hong ki mawl kha ding uh hi.

 

Kei up mawh dan lineup hibang hi.

 

Brazil:

Kungpang- Cesar

Nubgdal - Marcelo, Silva, Luiz, Alves

Laitai - Hulk, Oscar, Paulinho, Rameris,

Maitai - Neymar JR, Bernard.

 

Croatia:

Kungpang - Pletikosa

Nungdal - Pranjic, Corluka, Lovren, Srna

Laitai - Kovacic, Modric, Rakitic, Jelavic, Eduardo

Maitai - Mandzukic hi dan in ka um mawh hi.

 

Head to Head 14/6/2006 Brazil 1-0 Croatia 18/8/2005 Croatia 1-1 Brazil. Tu tung kei up mawh na Brazil 2-1 Croatia dan hi.

 

Read 828 times
Login to post comments