You are here: HomeNewsSports NewsBarcelona forward kha 2 sung khawl ding

Barcelona forward kha 2 sung khawl ding

Written by  Published inSports News Wednesday, 13 November 2013 14:03
Barcelona forward kha 2 sung khawl ding

Barcelona forward Lionel Messi in a nungzang lak a hihliam khakziak in kal guk ahihkeileh kal giat sung velkimawlna a kipan a khawl poimawh ding hi. Kum 26 a upa Messi ahihleh Pathianni a Real Betis toh a kibeina ua kihihliam kha hi a, a nungzang veilam pang taksa ton hi'n kigen hi.

 


Argentina international player Messi in tu kum sung in liamna hiailou leng ana tuakta a, August kha inleng tansa lak a liamna a tuak ziak in Atletico Madrid in ama mun ana luahta hi.

 


Messi in tu season pailel a kimawlna tuamtuam ah Barcelona a ding in goal 14 ana ngahsak hi. September kha in Almeria toh a kibeina uah a phei ana hihliamkha hi. Liamna a tuahte lak a, a nanungpen ahihleh Betis toh a kimawlna uh hi a, kimawlna kipatnung minute 18 in kihihliam kha pah a, zan medical test neihna tungtawn in, a liamna pen dampahlou ding ahihdan muhkhiak in om hi.

 


Barcelona thusuak in a taklatdan in Messi liamna pen a nungzang thagui kiton a hihziak in kha 2 sungbek kimawlna a kipan a khawl ngaiding hi'n taklang hi. World Player of the Year, Messi in hiai bang liamna a tuak ziak in November khasung a omding Argentina's friendlies kimawlna chankha ding suak hi. Tua banah kal paisa a, Champions League a AC Milan toh a kibeihna ua Barcelona a ding a goal nih ana khum Messi in maban a match nih Ajax leh Celtic toh a kimawlna ding uh leng chankha ding in kilang hi. (BBC)

 

 

Read 884 times
Login to post comments