You are here: HomeNewsSports NewsNovak Djokovic in 2014 sung in Grand Slam titles tamzaw ngahsawm

Novak Djokovic in 2014 sung in Grand Slam titles tamzaw ngahsawm

Written by  Published inSports News Thursday, 14 November 2013 15:09
Novak Djokovic in 2014 sung in Grand Slam titles tamzaw ngahsawm

ATP World Tour Finals title a thumveina ding a Seppatni a title ana ngahnawn Serbian Novak Djokovic in kumnawn sung a 22-match winning streak zang a Grand Slam titles tamzaw ngahna ding a pang ding ahihdan gen hi. Kum 26 a upa Djokovic in kumnawn 2014 sung a Nadal, Andy Murray, Roger Federer leh tennis player minthangte tung a len sawm ahihdan gen hi.

 


Djokovic in 2011 in gintakhuailou khop in match 43 ah vualzawhna ana ngah a, huai kum a major tournament 4 teng leng ana lazou vek hi. Tua banah a kumnawn in Serbia's Davis Cup leh French Open ah leng vualzawhna ana la nawn hi. Tulel a Djokovic in a tuppipen ahihleh kalnawn sung a Davis Cup a Serbia leh Czech kibeihna ding a, Serbia a ding a vualzawhna lakding chih leh huai zawh chiang a kimawlna dang a lohchinna lam mitsuan nawn ding chih ahi hi. Aman a gendan in Davis Cup a vualzawhna in kum nawn 2014 chiang a kimawlna dingte ah gen nei mahmah ding hi'n taklang hi. "Hiai kimawlna zawh chiang in Australian Open a ding in kisakkhawlna ka pan ngal ding" chi hi.

 


Djokovic in a genzelna ah, Grand Slams tournaments tungtawn a vualzawhna ahi ka lunggulhpen, huai title ngahna ding in ka theihtawp in ka pang ding chi hi. French Open semi-final ah Djokovic in Murray ana zoulou a, Wimbledon final leh US Open final ah Nadal ana zoulou a, tua banah November kha in World No. 1 ranking hihna Spaniard khut ah ana khahsuahta hi. (Reuters)

 

Read 862 times
Login to post comments