You are here: HomeColumnsKamzalian TomgingSakmin Bang Ci Gelh Ding?

Sakmin Bang Ci Gelh Ding?

Written by  Kamzalian Tomging Published inKamzalian Tomging Wednesday, 19 March 2014 11:49
Sakmin Bang Ci Gelh Ding?

~ Kamzalian Tomging

[Beh min pang sak lo in ka sakmin a malmal in gelh leng Kam Za Lian in kigelh ding hi. A hau leh tonn zo hisamlo ka hihman in ka mintawpna minmal Lian cih pen ka behmin hilo a, ka tate in a behmin ding un la theilo hi. ]

 
Sakmin pen minlawhna leh aituam ding a phuah ahi. Min malnih (two syllable) tawh I gawmkhop theih (ka theih khak minmal i neih 196 pha hi) sakmin I phuah khit ciangin malthum zat hong phamoh hi. Zosuan mihing ki tam deuhdeuh ahihman in, gam khangtote sakmin gelhzia bang in en zong phuak min leh behmin gelh ding kisam ta hi. I minmal te a beubeu in I gelh ciangin a tawpna pen behmin hilo ahihman in dik zolo hi. A tangpi in I Behmin uh malnih (two syllable) pha hi. Gtn Dr. Vum Son leh Dr. Cin Do Kham te’ zi leh tate behmin ding in min malkhat bek ahi Son leh Kham suak, cih phawk ni. Zosuan hi uh hiam cih pen a behmin uh pan theihhak mahmah hi.

 
Kei sakmin a malmal a gelh in behmin gelh beh ding hi leng Kam Za Lian Tomging ahi mal li pha hi. Namdang min leh Christian name nei leng koi ah koih ding? A paidan zui ding hile hang a veilam (left side) ah behlap ding hi. Robert Kam Za Lian Tomging in ki gelh ding hi. International system in koi teng ka given/first name, koi teng middle name, koi teng ka surname/last name cih gen hak mahmah hi. Tua ahihmanin I min gelhdan ngaihsut huai mahmah hi. Deihna nei a I min ki phuak hi a, I minmal teng gawmkhop pen phuak min/I sakmin ahi hi.

 
Nam dang ten zong a minmal neihzah uh kicing zolo ahihman in middle name zang uhi. Hindu te’n pasal minmal 2693 nei uhi. A tangpi in middle name ding in a pa min koih uhi. Kua tu kua ta cih ki thei pah ahihman in lemtang mahmah hi. Mailam hun ah en zong I middle name dingin I pa min gelh hong kuul kha ding hi. Thudang ah, I minneu gelh hetloh ding hi. I min neu pen mite hong sapna ding kia a neih ahi. Gtn Thangta, Tapi, Thangpi, Niangpi, Cingkok, Niangleuh, Cingvom leh adg adg.

 
Hi bang teng I ngaihsut khit ciang in sakmin pen a malmal a gelhloh ding, tua banah behmin gelh ding cih tawh thu khup tuak hi.

Read 910 times Last modified on Wednesday, 19 March 2014 11:55
Login to post comments