You are here: HomeColumnsZOMICooLMooDKhem in ka omzel maimah!

Khem in ka omzel maimah!

Written by  Pauson Tombing Published inZOMICooLMooD Tuesday, 19 November 2013 15:32
Khem in ka omzel maimah!

Huan hichi ahi a… Buannawi palzou phet in “Phiaaaa!!! Hitangddhh dua ing a, ka dap ka valhvalhna ka gildd vah gawph..” chih hun hong tung dondta..eh! Nonta! Leivui khutlam phawkpha sese lou in na gari kongkhak uh kikalh khumta uteh, “Eng-ke’n” chihzaw zuih haksa deuhdeuh maimah set va’w. Second-hand khopi ahih chi’a, a gari le second-hand, anung a tai a akhudiiktute’ gari le second-hand, akhu le second-hand kidik, ami himhim le second-hand tamzaw himai thei laiven aw… Lamka khopi a tengte’ kibat lualna houh aset mai diam maw – Second-Hand.

 

Kipilsak/ Kitheisak sim chu kisana hang a zaw Khemnop law del-dawl khat hidi hive hang aw maw. Biak-inn tamzaw in Silver-Jubilee a’ihke’h Golden a’ihke’h Centenary chihte kilawm khin thamta chile kazuau hetkei mah di. Ahi alah, I lampite uh, electik, tui leh adang tampite a ngeingei a hoihdan kibangtou charchar. Tulai thumkhawmna kithang thou a, akisai pihte’ lungsim a, atung a igen I poimoh mahmahte, chii hontuhsak nadi’n houh thum ekek le ahihke’h lah mihing mah kibia hive hang a innkong ua’h “..Pu aw namin in k’ong thum uhi…hon bawlta hamham maive maw..” chi’n I vathum kheukhou mai d’uam le.

 

Mi’n ’97 Danger point (Thermometer asan(red) omna lamtoh ke’n anateh kak nak khem) achih ua lelah buai a buai kheukhou mai! Innmun zuak pawltoh, sikul kai tawpsan hial pawltoh phaphetlou. Zanlam zek alah Chii zang a khempuk a ki-om leihlaih in kisual phial a kituh, wallet sumang hial a news a suah ngaitop. Huaini zingkal a Ka tanaute uh khat in chi sel 20 hiam dawr a lei hiveh aw, achihleh huai dawrneite’n huai thuthang honzak chiang ua om muang thei talou uh, a sum toh a chii zuaksa vakhek kik non chihdan khong hi ei. “CH - Chii omlou sa limlou” chih kimawk ven maw! Sa haituak honsa mah di’u maw… chi khemkhem le. Mihausa kitam eive, Moirang nupi singju dawr ngakte’n nitaklam deuh chiang a pei-li nei Singju leia kivual ngenngonte Lamka mite’ aa ngen ahi chi, keibang ana kisathei sim heuhang kha mawk !.!.! Set Laizang!! Bus a tuang zou hamham pen..Ha!

 

“Rangva chia, sik chiaaa, gas sia…. Omlou hyao?” chi a zingkal khat a mi 4 leh 5 ngut hong kivial lehte (Siksia le kihauh tuak tathou hilouuuu..?), “Nang hih ziak a Tomchik a pedi bele..bawi” ( Bawi???..hmmm.. ta 3 kineita a.. Salah! Poikei ahoihlam hi himhim, upat mel ngemngum utlou a zut theih zutmoh kizutte hive hang) chia Tedim road zul a dawr ngak ngepngupte, “ Mahajon, kuvateh deih maw?”(Pan-dukan neuchik lel ngak lengle mi’n “Mahajon” chi’a honsap chiang ua hiksit zozen a kipak le himai thei hang) chi’a siksakol a vialdiante, “Gas chia bawl di umlou maw?” chite tengteng khemzoh gige I hihlouh nadia panla a kalsuante’ khe KILAWM hina maizen e….!! Amaute’ nasep ziak in nikhat tei Lamka market I tang non ngei ding uh chih ka muang ngam hi…. Hon sutzop zel ua mipi’n I nung thuapsiam uleh. Ke’n chu thuapdia mansa gige. Nangle mawle?

 

Eimite’ samtan na a ka tapa pa’ sam vatan, a metkhit a ahumsam a mulsi tamlua pen met thak dia kasawl nonleh heh bawl mawk! “De’n a gen dei voi…” chi dan hi’n maw. Sumbuk/Dawr I bawl leh gimhuai tawk lehle thuakzohna leh dohzohna neih poimoh mahmah didan eive kachi a. Vaite toh I omkhawm sawt thouta na ua zaw atong-azam uh I man hak thou uh maw heuhou in, amau lah chu hon nak khemzoh thou uh – Aman hihpung theihna khawl khong, branded loupi branded dan a bawlna khawl khong toh hong kuan uh. Amaute apan thil tampi zilthei hi hang a(asiate zil di kachihna ahi kei ei), tua eimi leh eimi kidawr di chile hang le asam khat omlai deuh a thei hi’ng ei.

 

Eilak ah leng thil hoih pipi hong kipan kheta a kipah huai mahmah. Tampite lak ah ke’n hoih kana sak mahmah chu- Damkam Bazar a Sazuakna ahi. Sasiangthou zuak a Lamka mipi’ theih a om, siang le siangthou mah. Hiai inkha anai-agamla apan a dawrtu ding kaikhawm inchin, amun pen tuasang in siangthou zawlai leh mi tamsem ding lah aw… I kisaktheihpih ding khat uh hong hiding a’ihchu! A lutsukna bul a mehzuakte’ tutna bangle puahbeh di’n nak hoih maw? Lampi gei a zuak ngailou dia Bazar piching hidi’n tu term a no’n vawkching ngeingei ualeh “ISO certified” dikhop in I puah di’u chuuu…. (Mipi kipak a khut bengtoh khutkawi mut toh awng ziahziah lel!!!......) Sazuakna le a tuang computerised di..chi’a behlap kha….. Ka gei a numei nih tekgawp honsa a kapuk di lau uh adiam sapdhan posy a dingte’n chu ka gen khelh lam thei a d’uam a nui heuhau ua…..Khong chi khemkhem maile maw!

 

Kei zaw kapu-kapa ua ka dawilok ziak adiam tui haksatna munmun, thoukang tamlouhna mun, mi’n hon sim zohlouhna di mun Mualtung vum a na teng-na khosa ing a, Mual leh mual kawmtuah a nek nazong mah kahih ziak aset diam theike’ng mi’n honkhem zouzou uh, hon khemzoh chiang ua KHEM IN KA OMZEL MAIMAH chih I phawk chi’a kikhel man zel! Nikhat…. Nikhat tei keidi’n kawlni hong suak sam nalou di hya? “Mualdawn khuak neu tuamlou” Chizel mai awleh.

 

Thutuam daih:

 

Tulai ka lungsim a thukidawng tuah I chi diam, etsakna dia Kuang = Annekna, Aksi= Vantung chih dan deuh, om inchin ko’n khilai di aw…(Kuama’n hehna a honna laksak lou ding leh kuamah ka kawk tuamna hilou ahi aw..)

 

Bolero = Kaziranga
Zu = Thumkhawmna
New Bazar = Las Vegas
Imphal = Winger
Tedim Road = Second hand or Leivui khu
ATM = Sum bei
Orphange home = $
Kei = Zero

 

Ngepdele!!

 

Christmas zangdia inlam honzuan dite hongpai nuam un aw….. Gas Mask huai a om re-rute hon puak un aw leivui khulaw mahmah. ZOLMA 2013 na miss ding ahi kei aw…. Nuam di hita ven!

Read 905 times
More in this category: Tuadan Hi….. »
Login to post comments