You are here: HomeNewsWorld NewsInternationalPakistan Prime Minister hih ka ut : Malala

Pakistan Prime Minister hih ka ut : Malala

Written by  Published inInternational Tuesday, 15 October 2013 22:55
Pakistan Prime Minister hih ka ut : Malala

NEW YORK, Oct 14: Pakistani tuailai melhoih leh lungtang khauh mahmah, Taliban helpawlte mai a tailou 'education rights activist' Malala Yousafzai in Benezir Bhutto khekhap zui a gam leh mipi a ding a nasep theihna ding a Pakistan prime minister hih ut ahihdan taklang hi.

 


Ni kum a Pakistan Taliban helpawlte khutlum a pan suakta a, sihna pumpelh kum 16 lel a upa Malala, CNN in interview a bawlna ah, "Pakistan Prime Minister hih ka ut" chiin gen hi.

 

 

Malala ahihleh tu kum a Nobel Peace Prize ngahding telkhiak a omte lak ah a masa pawl a koih in om mahleh Syria tualgal a chemical galvan zat a omthu ah, UN in Syria chemical galvan hihsiatna ding a pan a lakna maphu a pang Organization for the Prohibition of Chemical Weapons (OPCW) kiang ah piak in om hi. Nobel Peace prize ngah ding a genkhak a om thu ah khovel a naupang a bik in numeite laisimna ding ngaihtuahpen a nei ahihdan leng Malala in taklang hi.

 


Malala in Pakistan gamsung a numei prime minister masapen Benezir Bhutto ngaihsangpen ahihdan gen a, politics tungtawn a, a gam leh mite a ding a nasemthei ding ahihdan taklang hi.

 


Malala in ahihleh doctor hihding tup in nei mahleh a thiltuah in politics zop lunggulhsakta ahihdan taklang hi. "Ka ngaihtuahna ah politics a lut in gamsung makai hileng gamsung pumpi a damlouhna tengteng ka hihdamthei ding a, ka gam pumpi a ding in doctor ka himai ding" chiin gen hi.

 

 

"Prime minister hileng laisinna (education) lam ah budget tamtheipen ka bawl ding a, gamdang toh kal leng chidamtak a omtheihna ding in nna ka sem ding" chi hi.

 

 

"Ta l i ban pawl t e 'n thah hon sawm in, sihna limguam tawn mahleng, ka tup leh ngimte ka khawlsan tuan kei ding" chiin Malala in taklang hi. (New York Times)

 

 

Read 664 times
Login to post comments