You are here: HomeNewsWorld NewsInternationalUN Human Rights Council in China enkhe ding

UN Human Rights Council in China enkhe ding

Written by  Published inInternational Thursday, 24 October 2013 14:02

GENEVA/BEIJING, Oct 23: China president hihna Xi Jinping in hon letnung in China gamsung a human rights bohsiatna gending tamtak om a, Tibet-mite bawlsiatna thu leh internet zat ding kham ahihban ah gamdangmite hentang chihthute ziak in tumlam gamte'n China gamtatdan mawhsakthu ana taklang khinta uhi.

 


United Nations Human Rights Council in UN member gamte ah kum 4 hal zel in human rights etkhiakna nei zel ua, tua dungzui in China ah leng human rights kepbit a omna hiam chih etkhiakna (review) neiding in kisa hi. Geneva a hiai thu gen ahihma deuh in China gamsung a Tibetan activist-te'n "Tibetmite tung ah China in human rights zanglou - Tibet-mite sik in UN ding hen" chih banner liantak takkhia uhi.

 


Beijing a pan Chinese foreign ministry spokeswoman Hua Chunying in a taklatdan in gam tuamtuam a human right etkhiakna omding a kizahtuahna toh nasep ahihleh China in kipahpih mahmah ding a, himahleh khentuam leh soisel utna ziak a thilhihpen naktak a dal ding ahihdan taklang hi.

 


Tumlam gamte'n bel China in a gamsung a nam tawmzawte tenna munte a gamdang palai kuamah lutding a phallouh pen lakkhiaksak ding deih uhi. Hiai bang munte ah China in journalist leh human rights activist-te lutding ana phalsak ngeilou hi'n kigen hi. (Reuters)

 

 

Read 717 times
Login to post comments