You are here: HomeNewsWorld NewsInternationalPakistan gamgi zul a buaina ah Iranian guard 14 si

Pakistan gamgi zul a buaina ah Iranian guard 14 si

Written by  Published inInternational Monday, 28 October 2013 14:34

TEHRAN, Oct 26: Galvantawi pawl khat in Pakistan toh gamgi zul a om Iranian border guard 14 kaplum uh ahihdan Iran official news agency thusuak in taklang hi. Border guard thattute thilkham leh damdawi khamtheih a sumdawng pawlte hia ahihkeileh opposition pawl galvantawite hia chih thuneitute'n suizuina neilel uh hi'n kigen hi. Meltheihlouh galvantawi pawl in Iranian sepaihte hiai bang a lambun (ambush) in ana kap zel uh hi'n thusuak in taklang hi.

 


Hiai thiltung ahihleh Sintawpnitak a Pakistan gamgi zul Iran simsuahlam a om Saravan khopi tangpang lam a thiltung hi a, Iranian guard mi 5 inleng liamna tuak uh hi'n kigen hi.

 


Iran ahihleh Afghanistan leh Europe banah Persian Gulf kikal a khamtheih leh thilkham tuamtuam a sumdawngmite a ding a pumpelh theihlouh lampi poimawhtak suak a, tua ziak in hiai bang a sumdawngmite a ding in Iran sepaihte dongkholh mahmah uh hi'n kigen hi. Tua banah Baluch helpawl khenkhat leng hiai mun ah gamtang uh hi'n thusuak om hi. (AP)

 

 

Read 750 times
Login to post comments