You are here: HomeRSS FeedsLatest News

Aizawl/Agartala, July 26 : Congress ruled-Mizoram government in ni bangzah hiam paita in state sumleh- pai dinmun in chinlou chih suanlam in food security zang theilou di'n thupuan bawl mahleh Ningani in hiai scheme toh kisai zat ahihtheihna dia plan bawlna nasatak a paitoulel ahihdan puang uhi.

 

Congress-ruled Assam, Manipur, Meghalaya leh Arunachal Pradesh-te'n hiai scheme toh kisai in gen-leh-sak neita mahle uh northeastern state dang- Nagaland leh Sikkim in a dinmun uh genkhe nailou hi'n thusuak in taklang hi. Left Front-ruled Tripura government in ahihleh tulel dinmun in National Food Security Ordinance (NFSO) toh kisai naktak in doudal lel uhi.

 

Tripura’s Food and Civil Supplies Minister Bhanulal Saha in a taklat dan in, national scheme toh kisai in central government kiang ah ngaihdan omte theisak khin ahihdan leh NFSO thu a ngaihdan kipiate Central in theisak nawn ding ahihdan gen hi. Mizoram Food, Civil Supplies and Consumer Affairs Minister H. Rohluna in assemblya a taklatna ah, hunchiam sung ngei a National Food Security Ordinance (NFSO) (scheme) zat teitei tum in state (Mizoram) government kisingsa lel chi hi. Cenral government in tulel a PDS nuai state kiang a antang piak a om a a sutzom keileh state government in kha teng a Rs. 7.82 crore a senbeh ngai gige ding chi hi.(Agencies)