You are here: HomeColumnsKamzalian TomgingMilak ah gamtat khohei

Milak ah gamtat khohei

Written by  Kamzalian Tomging Published inKamzalian Tomging Tuesday, 21 October 2014 14:38
Milak ah gamtat khohei

~By: Kamzalian Tomging

 

Genlo ding. Midang tawh kisai ka cih hina pi gen kul hi. Nang bel, it’s my life ci ni teh. Ahihang in I omdan leh gamtatdan te ‘i minam a’ suak ahihman in I gen khop, ngaihsut khop kul hi.

  • Northeast mite pian fel, nalh leh etlawm mahmah hi hang. Vaite hoih mahleh a tamzaw vom bimbem, vun maam khollo, tawbou lian beetbuut, thau keikui ahi uhi. Ei pawl bel fel litlet in ki 'chak huai' zaw hi.
  • Simple, innocent leh zuau tatlo in midang te mawk muang ngam pah hihang.
  • Eimi leh eimi free takin I ki deal bangin namdangte zong tua bang in ‘deal’ suk mok hi hang. Tua ahihman in amau muhna leh etna pan in amau mite sang in baihzaw, approachable zaw leh available zaw hikha ni. A ciangtan theih ding kisam hi. Familiarity breeds attempt cih thupil om ahihman in pilvang ding ahi. Nungak te kia a ding in gen I hi kei; nupi ten zong tuak thei I hi cih thei ni. Ka gen jel bangin; if you are casual, you will be the casualty.
  • A zi ding ua hong en masa lo pi uh, hong nuai zek ut lel ahi cih thei ni; a lawmte tawh.
  • Hong kitenpih bang hileh i inkuanpihte buaina ding ahi cih zong thei ni. I nek leh omdan kibanglo ahihman in, nuamsa ken teh cih teng in i inkuanpihte buaisak pah ahí cih thei ni. Hinkhua ah itna/Love I cih kia na hikhin khollo hi. Advantage a lak theih na uh ahi. A itna uh uphuai vek ding in koih kei phot mai leng…
  • I gam ah bang mah piangkhia lo a, sep ding pi omlo ahihman in khopi ah I om uh kisam hi. I omna mun ah English ten etiquette a cih uh midang tawh I omdan, kampau leh khoheidan ah pilsiam kisam hi. A siamlo te kisin ding poimoh masa hi.
  • I seppih te tawh I ki sai khak pen official/professional level tan kia hi hen.
  • Maitai ding himah, hile zong miteng I maitai ding hipah samlo hi.
  • Ei toh kisai hi teng hi phot leh midang (eimi) te mahmah in zong midang lak ah a kilawm bang in hong khawl leh hoih ding hi.
  • Khohei dingdan gencian thei tuan kei ing. Na nu na pa in hong muleh bang a ci dia, cih pansan in khoheidan kidawm ni.
Read 705 times

  • tempawng
    tempawng
    Wednesday, 22 October 2014 14:18

    dik thei mahmah lel e...

  • sanga laingek
    sanga laingek
    Thursday, 30 October 2014 11:31

    NE nungak-tuailaite pilvanna diing thu hoih leh tom litlet gelh nalh lua na hi. Hon gelh zel ve...

Login to post comments