You are here: HomeArticlesInterviewZOLMA 2017 BEST ARTISTE (FEMALE) AWARD ANA DONG MS. KIMBUANG TOH HOULIMNA

ZOLMA 2017 BEST ARTISTE (FEMALE) AWARD ANA DONG MS. KIMBUANG TOH HOULIMNA

Written by  ZOL Team Published inInterview Monday, 07 May 2018 08:47
ZOLMA 2017 BEST ARTISTE (FEMALE) AWARD ANA DONG MS. KIMBUANG TOH HOULIMNA

ZOLMA 2017 BEST ARTISTE (FEMALE) AWARD ANA DONG MS. KIMBUANG TOH HOULIMNA

Ms. M. Roslyn Luanneikim @ Kimbuang, Gospel Singer ahihleh Pa James Khamchinsuan leh Nu Lucy Chiinzavung tanu upapen ahi a, 4th August, 1996 in Zomi Colony ah piang hi. Aman sanggam pianpih pasal khat (a U) leh numei khat (a nau) nei hi. Siamsinna lam ah 2014 in Donbosco ah Class XII zoukhia in, 2017 in Churachandpur Government College ah B. Sc zoukhia hi. Tu in MBBS a ding in coaching a kai lellel hi.

 

ZOL: ZOGAMonline | ROS: ROSLYN LUANNEIKIM


ZOL : Nang toh houlim/kikup nop tamlou ka nei ua, na hun manphatak n'on pethei diam?
ROS : Ing, Lungdam.

 

ZOL : Amasa in ZOGAMOnline’te hunlem no’n piakziak in kipahthu k’on gen ua, ZOLMA 2017 na lakna tung ah k’on kipahpih mahmah uhi.
ROS : Kei jong kipah ing.

 

ZOL : Ahihleh kum bangzah khawng na phak apan in lasak lam lunglutna nana neita a? Chik kum apan in mipi ma ah lasak na pan ale?
ROS : Ka khothei apat lasah lunglut leh ngaichimlou mi kahia, tualeh Pasian lungsiet na tawh Kum 15 vel ka hi apat in mipi mai ah lasa in ka ding panta hi.

 

ZOL : Bang la saknop na sapen a? Zawlla leh Pathian la kikal bang ngaihdan na nei?
ROS : Pasian la sah nop kasa pen hi. Zawlla leh Pasian la kikal pen ka ngaidan in, zawlla pen mihing leh mihing kikal a itna hing um toh kisai deu ahia, Pasian la pen, mihing leh Pasian kikal a kizop matna ahi.

 

ZOL : Album bangzah na bawlta a? La bangzah himhim na record ta?
ROS : Mimal album in vang, tutan in MANGPA HOI HI - VOL 1, kabol kheta a, collection ate toh gawm in thum(3) kabawl kheta hi. La akigawm in 13 official record ka neita hi.

 

ZOL : Na lasakte lak a bang la in na lungsim hon khoihkha pen hi'n na thei a ?
ROS : Pasian lungsiatna toh ka lasah-te hoi kasa tangpi a, ka hagau jong angsutai mama hi. Tuate lah a kadei penpen ahi leh kasah nukhia pen, VAN JERUSALEM la ahi, Tami la in khattang lungzuan, hasat-beidong, nat-le-sat ka tuah hun chiang, angkai thou thei a, ahing suhal mama in ka thei hi.

 

ZOL : Chin-Kuki-Mizo-Zomi Gospel singer-te lak ah kua na ngaisangpen a?
ROS : Chiin-Kuki-Mizo-Zomi-te lah ah Bethsy Lalrinsangi ka ngaisang pen hi.

 

ZOL : ZOLMA 2017 awardee na hih a na reaction leh hiai award na lakna ziak hon gen dih le.
ROS : ZOLMA 2017 awardee (Best female artiste) kahi chi kaki thei in, ka tan guollou tang hi’n kaki thei a, lamdang zong kasa hi.
Tami Award kala na zieh ahi leh Pasian leh mipite deisah na katan zieh liuliau ahi.

 

ZOL : ZOLMA kisai dan ah bang ngaihdan na nei a? Hiai sanga a hoihzawkseemna di'n "hichi zodeuh leh" chih kupnop na nei hia?
ROS : ZOLMA kisai dan hoi kasa mama hi. Ei mite a ding a award om sun ahina ah hing hapan semsem unla, lasah lunglutte domsangtu in hing pangta un.

 

ZOL : Tutan in lasak lam toh kisai in haksatna na tuakkha ngei hia? La lam toh kisai a masawn zok semna din bang poimoh hi in na thei a?
ROS : Hasatna pen tuahkha ma ing, ka tantawh in hasatna kichi pen lampi tuomtuom ah ka tuahtou jel hi.
La lam ah masawn ding I ut leh lasa siam khat na dei penpen khat na role model in nei in len, la ha sa in sa in. Tualeh khamthei zu-le-sa a kibual pen lasate a ding in career subuaitu ahi ut mama a, kiletsahna zong sietna bulpi khat ahi hi.

 

ZOL : Tua lasak lunglut leh hong khanglian te ading in bang thukhak/advice nop nanei a?
ROS : Tulai a lasah lam a hing khangtha-te ka thuhah nuam ahi leh, lekha simlai ahi tangpi ka gingta a, na lekha sim leh na lasah hun khu jang or mang siam in. Time management zil in, azieh pen, laisiam khat nang hi chiang in lasahna ah kalbi (step) hoitah a hing hi ding hi. Tam khu kei experience dan apat ka gen ahi.

 

ZOL : Hiai tan natun nadi’n haksatna na tuak tham ding a, huai telak ah a thupi nasak pen khat non share thei diam ?
ROS : Hasatna ka tuah te lah a  challenging kasah mama khat ahileh ka damtheilou (health issue) na ahi. Hinanleh ginna in ka pei jel a, Pasian panpina toh ma sawn jel in ka ki thei hi. Tu’n Vang Mangpan ahing sudam ta hi.

 

ZOL : Lasak ah ei Zo suante adiak in Lamka a omte bangtan tung in na mu?
ROS : Zo suan Lamka a um, lasah siam te’n ma kisawn mama hi’n ka thei hi. Nidang toh teh in tu’n album leh single a release kibawl la atam mama ta hi.

 

ZOL : ZOLMA sutzop zel hoih nasa hia, behlap leh hih dia hoih leh hoihlou nasak om leh hon share mah ole.
ROS : ZOLMA sutjom jel hoi kasa mama hi. Tambang a na kipiahzawna tung uh thupi kasa hi. A hoizaw ding leh a hoilouna gen ding zong ka nei tuamsih hi.

 

ZOL : Lasak a nekzon theih din na gingta hia adiak in Lamka ah?
ROS : Lamka ah lasah a neh mu na leh miphahna ding in ama uh mimal taimatna ah kinga in ka thei hi. 

 

ZOL : Maban ah bang plan nanei lasak/music hi ?
ROS : Maban ah plan ka hau mama a, Mangpan ahing mapui jel kinem in ka 2nd album na ding in MANGPA HOI HI-VOL 2 bawl khiat ka som a,tua leh adang dang zong ham tuamtuam a bawl doh ka tum hi. 

 

ZOL : Nang a pat kupnop/gennop na nei hia leh?
ROS : I thank the almighty God for giving me this special day and time. I also thank all the organizers for arranging this kind of opportunity, a stage for singers, and I am so glad to win this award, ZOLMA BEST ARTISTE (FEMALE) 2017. I also express my heartfelt gratitude to the people and my fans who take part in voting me to get me up to this stage. Lastly but not the least, I also would like to express my heartfelt gratitude to the organizers of ZOLMA again. ZOLMA dam sawt henla Pasian in ompi zing ta hen.

 

ZOL: Na hun manpha tak nah on piak a, no’n houlim pih ziak in ka kipak petmah ua, maban ah hong lamzang zel in o.

ROS: Kei zong kipah ing.

 

 

 

 

Limlak khenkhat : here

Read 251 times Last modified on Monday, 07 May 2018 13:39
Login to post comments